ખીજદડ ગામે ખુલ્લા કૂવામાં ખાબકેલા નંદીને બચાવાયો

કલ્યાણપુર તાલુકાના ખીજદડ ગામે રહેતા એક અસામીના આશરે 50 ફૂટ ઊંડા અને ખુલ્લા કૂવામાં એક ખૂંટિયો પડી ગયો હોવા અંગેની જાણ અહીંના ફાયર વિભાગને કરવામાં આવી હતી. આના અનુસંધાને જિલ્લા ફાયર અધિકારી મીતરાજસિંહ પરમારની સુચના મુજબ ફાયર સ્ટાફના નિમેષ ડેરારા તેમજ યોગેશ પાથરની ટીમએ ઘટના સ્થળે દોડી જઈ અને ક્રેન જેવા સાધનોની મદદથી લાંબી જહેમત બાદ કૂવામાંથી આ આખલાને બહાર કાઢવામાં સફળતા મેળવી હતી.