મવડીનું ઈન્ડોર સ્ટેડિયમ જૂનમાં ખુલ્લુ મુકાશે
- અલગ-અલગ 10 પ્રકારની રમતો અને રાયફલ શૂટિંગની સુવિધાઓ ઉપલબ્ધ થશે: મ્યુનિ. કમિશનરે સ્થળ વીઝિટ કરી
રાજકોટ મહાનગરપાલિકા દ્વારા વોર્ડ નં.12માં મવડી મેઈન રોડ પાસે ઇન્ડોર સ્પોર્ટ્સ કોમ્પ્લેક્ષ બનાવવામાં આવી રહ્યું છે. આજ રોજ મ્યુનિસિપલ કમિશનર આનંદ પટેલે અધિકારીઓ સાથે મુલાકાત કરી ચાલી રહેલ કામગીરીનું નિરીક્ષણ કર્યું હતું અને જણાવેલ કે, જૂન માસમાં સ્ટેડિયમ તૈયાર થઈ જતાં સંભવત લોકાર્પણ કરવામાં આવશે.
ઇન્ડોર સ્પોર્ટ્સ કોમ્પ્લેક્ષની વધુ માહિતી આપતા મ્યુનિસિપલ કમિશનર આનંદ પટેલે જણાવ્યું હતું કે, વોર્ડ નં.12માં મવડી મેઈન રોડ પર ઇન્ડોર સ્પોર્ટ્સ કોમ્પ્લેક્ષના નિર્માણ થવાથી રાજકોટ શહેરને રમત-ગમત માટે એક ભવ્ય અને આધુનિક સુવિધા સાથેનું સંકુલ પ્રાપ્ત થશે. આ સ્પોર્ટ્સ કોમ્પ્લેક્ષમાં 11831.00 ચો.મી. જગ્યામાં 9500.00 ચો.મી. બાંધકામ કરવામાં આવી રહ્યું છે, આ ઇન્ડોર સ્પોર્ટ્સ કોમ્પ્લેક્ષનો અંદાજિત ખર્ચ રૂૂા.22.33 કરોડ થનાર છે. ઇન્ડોર સ્પોર્ટ્સ કોમ્પ્લેક્ષના ઓપન ગ્રાઉન્ડમાં પાર્કિંગની સુવિધા, ટેનિશની રમત માટેના બે ટેનિસ કોર્ટ, બાસ્કેટ બોલની રમત માટેના એક બાસ્કેટ બોલ કોર્ટ, વોલી બોલની રમત માટેના એક વોલી બોલ કોર્ટ અને કબ્બડી માટેના ગ્રાઉન્ડની સુવિધા ઉપલબ્ધ થશે તેમજ ગ્રાઉન્ડ ફ્લોર પર કોમન એડમિનિસ્ટ્રેશન એરિયા, વેટિંગ એરિયા, 1200 લોકો બેસી શકવાની ક્ષમતાવાળું ઇન્ડોર સ્ટેડિયમ, પ્લે-ગ્રાઉન્ડ એરિયા (44 મી.34 મી.) જેમાં બેડમિંટન રમત માટે છ કોર્ટ અને એક મલ્ટી ગેમ કોર્ટ, સ્કવોશ રમત માટેનો હોલ (26 મી. 8 મી.) જેમાં બે સ્કવોશ કોર્ટ, ટેબલ ટેનિસ રમત માટેનો હોલ (26 મી. ડ 8 મી.) જેમાં છ ટેબલ ટેનિસ, 10 મી. અરચેરી રમત માટે મહીલા અને પુરૂષના અલગ એક-એક હોલ (18 મી.8 મી.)ની સુવિધા ઉપલબ્ધ થશે. આ સ્પોર્ટ્સ કોમ્પ્લેક્ષના પ્રથમ ફ્લોર પર જીમ માટે મહીલા અને પુરૂૂષના અલગ એક- એક હોલ (21 મી. ડ 8 મી.), યોગા માટે મહીલા અને પુરૂૂષના અલગ એક-એક હોલ (20 મી.8 મી.), શૂટિંગ રેંજ રમત માટે મહીલા અને પુરૂૂષના અલગ એક-એક હોલ (28 મી. 8 મી.), ચેસ-કેરમ જેવી રમત માટે મહીલા અને પુરૂૂષના અલગ એક-એક હોલ (14 મી.8 મી.)ની સુવિધા પણ ઉપલબ્ધ થનાર છે, તેમ મ્યુનિસિપલ કમિશનર આનંદ પટેલે જણાવ્યું હતું.