ખંભાળિયાનું માર્કેટિંગ યાર્ડ તા. 31 માર્ચ સુધી બંધ રહેશે

દેવભૂમિ દ્વારકા જિલ્લાના મુખ્ય મથક ખંભાળિયા ખાતે આવેલા માર્કેટિંગ યાર્ડમાં હાલ માર્ચ એન્ડિંગ હોવાથી વર્ષ 2023-24 ના વાર્ષિક હિસાબો પૂરા કરવા માટે માર્કેટિંગ યાર્ડ દ્વારા ખરીદ વેચાણનું કામકાજ બંધ રાખવામાં આવનાર છે. જે આગામી તારીખ 31 માર્ચ સુધી બંધ રહેશે. જેના કારણે યાર્ડમાં થતી અનાજની હરાજી થઈ શકશે નહીં. જોકે લીલા શાકભાજીની હરાજી રાબેતા મુજબ ચાલુ રાખવામાં આવી છે.આ કામગીરી આગામી પહેલી એપ્રિલથી રાબેતા મુજબ શરૂ કરવામાં આવશે તેમ યાર્ડના સેક્રેટરી ભાવેશ જોગલની એક યાદીમાં જણાવાયું છે.