છેલ્લા 24 કલાકમાં રાજ્યના 47 તાલુકામાં મેઘમહેર, જુઓ ક્યાં કેટલો વરસાદ પડ્યો

રાજ્યમાં ચોમાસુ જામ્યું છે ત્યારે છેલ્લા 24 કલાકમાં 47 તાલુકામાં વરસાદ ખાબક્યો છે. જેમાં બોટાદમાં 1 ઈંચથી વધુ, દસાડામાં દોઢ ઈંચ અને ટંકારામાં એક ઈંચ જેટલો વરસાદ વરસ્યો છે. આ દરમિયાન હવામાન વિભાગે આજે નવસારી, વલસાડ અને દમણમાં છૂટાછવાયા વરસાદની આગાહી કરી છે.

છેલ્લા 24 કલાકમાં બોટાદ તાલુકા બે ઈંચ, સુરેન્દ્રનગરના દસાડામાં પોણા બે ઈંચ, મોરબીના ટંકારામાં સવા ઈંચ, છોટા ઉદેપુરના બોડેલીમાં અડધો ઈંચ, લીલીયા, પાટણ વેરાવળમાં અડધો ઈંચ , માળીયા હાટીનામાં અડધો ઈંચ, ભાણવડમાં અડધો ઈંચ, કુકાવાવ, ખાંભામાં અડધો ઈંચ વરસાદ પડ્યો હતો.

રાજ્યમાં સીઝનનો અત્યાર સુધીમાં 25.46 ટકા વરસાદ વરસ્યો હતો. તે સિવાય સૌરાષ્ટ્રમાં સીઝનનો અત્યાર સુધીમાં 35.44 ટકા વરસાદ નોંધાયો હતો. કચ્છમાં સીઝનનો અત્યાર સુધીમાં 34.87 ટકા વરસાદ વરસ્યો હતો.