ખંભાળિયાની સરકારી કચેરીમાં વિવિધ દાખલાઓ માટે અરજદારોને હાલાકી

ખંભાળિયા તાલુકાના ગ્રામીણ લોકોને જાતિ, નોન ક્રિમિલિયર, ઈ.બી.સી. સેવા સર્ટિફિકેટ કઢાવવા માટે અરજદારોને ખંભાળિયાની તાલુકા પંચાયત કચેરીમાં ફોર્મ વેરીફાઈ કરવા જવાનું રહે છે. ત્યાર બાદ અહીંની મામલતદાર કચેરીની એ.ટી.વી.ટી. શાખામાં ફોટો પ્રિન્ટ કઢાવ્યા બાદ તાલુકા વિકાસ અધિકારીની સહી કરવાની થાય છે.

ત્યારે મામલતદાર કચેરીમાં પ્રિન્ટ ફોટા પડાવવા માટે ટીડીઓ કચેરીનો ઓટીપી આવે પછી જ કામગીરી થતી હોય, આજરોજ સાંજ સુધી અરજદારોને ઓ.ટી.પી. ના આવતા લોકોએ વ્યાપક પરેશાનીનો સામનો કરવો પડતો પડ્યો હોવા અંગેની ફરિયાદો ઉઠવા પામી છે. હાલ ચૂંટણીલક્ષી કામગીરીના કારણે ઉપરોક્ત કામગીરી ખોરંભે પડી હોવાનું કહેવાય છે. આ અંગે તંત્ર દ્વારા કાયમી નિરાકરણ આવે તે માટેની માંગ થઈ રહી છે.