સયાજી હોટેલની સામે જીમ સંચાલકની કારનો કાચ ફોડી રૂા.1.40 લાખની તફડંચી

રાજકોટ શહેરમાં કાલાવડ રોડ પર આવેલી સયાજી હોટેલમાં યોજાયેલી એક મિટિંગમાં ગયેલા જીમ સંચાલકની પાર્ક કરેલી કારનો કાચ તોડી ગઠિયાએ રૂૂપિયા 1.40 લાખની તફડંચી કરી હોવાની ફરિયાદ પોલીસમાં નોંધાઈ છે.
કાલાવડ રોડ પર રૂૂડાનગર-3 શેરી નં.-2 કોર્નર ઇસ્કોન મંદિરની પાછળ રહેતા મયુરભાઇ હરેશભાઈ સાવલીયા(પટેલ)(ઉ.વ.28)એ ફરિયાદમાં જણાવ્યું હતું કે,હુ નાના મવા રોડ ઉપર વાયનોટ નામનુ જીમ ચલાવી મારૂૂ તથા મારા પરિવારનુ ગુજરાન ચલાવું છું.ગઇકાલ તા.22 ના સાંજના હુ મારી કાર લઇને મારા ઘરેથી આવ્યો અને સયાજી હોટેલમા આઇ.પી.ઓ.ની મિટિંગ હોય જેથી મારી ગાડી સયાજી હોટેલની સામે રોડ ઉપર પાર્ક કરીને ચારેક વાગ્યે સયાજી હોટેલમા મિટિંગ માટે ગયેલા રાત્રીના આશરે દશેક વાગયાની આસપાસ મિટિંગ પુરી કરીને મારી પાર્ક કરેલી ગાડી પાસે આવતા મને જોવા મળેલ કે મારી કારનો ખાલી સાઇડ નો આગળનો કાચ ટુટેલો હતો.

તેમજ અંદર જોતા ગાડીમા રાખેલ થેલામા મે જોતા મારા જીમના ધંધાના રોકડા એક લાખ ચાલીસ હજાર પુરા હતા તે થેલામા જોવામા આવેલ નહીં તેમજ ગાડીમાં પણ રૂૂ.1500ની નુકશાની કરી હતી.આ મામલે રાજકોટ તાલુકા પોલીસ મથકમાં ફરિયાદ નોંધવામાં આવતા હેડકોન્સ્ટેબલ બી.આર.વસાણી અને સ્ટાફે વધુ તપાસ શરૂૂ કરી છે. આ તપાસમાં સીસીટીવી ફુટેજમાં બે શખ્સો દેખાયા હતાં.