સગીરાને હવસનો શિકાર બનાવનાર નરાધમને આજીવન કેદની સજા ફટકારતી અદાલત

શ્રમિક સગીરાનું પાડોશી શખ્સે અપહરણ કરી લઈ જઈ દુષ્કર્મ આચરતા ફરિયાદ નોંધાઈ’તી

શહેરના ભક્તિનગર પોલીસ મથક વિસ્તારમાં રહેતા શ્રમિક પરિવારની સાડા 16 વર્ષની પુત્રીને પાડોશી નરાધમ શખ્સને દુષ્કર્મના ગુનામાં આજીવન કેદ અને દંડ ફટકારતો હુકમ અદાલતે કર્યો છે.

આ કેસની હકીકત મુજબ શહેરના ભક્તિનગર વિસ્તારમાં રહેતા અને મૂળ ઉત્તર પ્રદેશના વતની શ્રમિક પરિવારની સાડા 16 વર્ષની માસુમ પુત્રીને પાડોશમાં રહેતા અને મૂળ ઉત્તર પ્રદેશનો અલી ઉર્ફે અલીજે પુતિલાલ સાઈ નામના શખ્સે પ્રેમ જાળમાં ફસાવી અપહરણ કરી બાબરા ગામે ભાડાની ઓરડીમાં શરીર સંબંધ બાંધ્યા અંગેની ભક્તિનગર પોલીસ મથકમાં ભોગ બનનારના વાલીએ ફરિયાદ નોંધાવતા જેના આધારે પોલીસે અલી ઉર્ફે અલીજે સાંઈ નામના શખ્સ સામે પોક્સો, દુષ્કર્મ સહિતની કલમ હેઠળ ગુનો નોંધી ધરપકડ કરી તપાસ પૂર્ણ થતા અદાલતમાં ચાર્જશીટ રજૂ કરવામાં આવ્યું હતું.આ કેસમાં ફરીયાદ પક્ષે કુલ 10 સાહેદો તપાસીને 15 દસ્તાવેજી પુરાવાઓ રજુ કરીને સરકારી વકીલ પ્રશાંત પટેલએ આ કેસના સાહેદો-પંચોને તપાસીને પુરાવાઓની કડીઓ મેળવીને કેસમાં કેસ પુરવાર કરેલ છે.આ કેસમાં સરકારી વકીલ પ્રશાંત પટેલએ રજુઆત કરેલ હતી કે, ભોગ બનનાર બાળકી સમગ્ર ઘટના જણાવીને આરોપીને ઓળખી બતાવેલ છે.

ફરીયાદીના કેસને સમર્થન આપેલ છે. ભોગ બનનાર તથા આરોપીની મેડીકલ તપાસ કરનાર ડોકટરે પ્રોસીકયુશના કેસને સમર્થન આપેલ છે. એફ.એસ.એલ. રીપોર્ટમાં ભોગ બનનારના કપડામાંથી વીર્યની હાજરી મળેલ છે. આરોપી બે સંતાનોનો પિતા હોય આમ પરીપકવ બુધ્ધિ ધરાવતો હોય જેથી આરોપીનો ગુન્હો કરવાનો ઈરાદો સ્પષ્ટ થાય છે. આરોપીને મહતમ સજા કરવી જોઈએ જેથી સરકારી વકીલની દલીલો માન્ય રાખીને સ્પેશ્યલ પોકસો કોર્ટ દ્વારા અલીજે પુતીલાલ સાંઈને તકસીરવાન ઠરાવી પોકસો એકટની કલમ - 6 મુજબ આજીવન કેદ સજા તથા રૂૂા.5,000- નો દંડ ફરમાવેલ છે. ગુજરાત વિકટીમ કમ્પન્સેશન સ્કીમ અન્વયે ભોગ બનનાર બાળકની રૂૂા.7,00,000/- ચુકવવાનો આદેશ આપેલ છે.આ કેસમાં સરકાર પક્ષે એ.પી.પી. પ્રશાંત પટેલ અને સહાયક તરીકે રાજન ટીંબા, મુસ્કાન સમા રોકાયેલા હતા.