સુરેન્દ્રનગરમાં એસટી બસ અડફેટે પતિનું મોત, પત્ની ઘાયલ

અકસ્માત બાદ એસટી બસ સ્ટેન્ડ પાસે કલાકો સુધી ટ્રાફિક જામ

સુરેન્દ્રનગર બસ સ્ટેન્ડ પાસે એસ.ટી.બસની અડફેટે બાઈક ચાલકનું ઘટનાસ્થળે મોત નિપજ્યું હતું. સુરેન્દ્રનગર-કારેલા રૂૂટની એસ.ટી.બસની અડફેટે બાઈક ચાલકને ગંભીર ઈજાઓ પહોંચતા ઘટનાસ્થળે મોત નિપજ્યું હતું. આ ઘટનાના પગલે લોકોના ટોળેટોળા બનાવના સ્થળે દોડી ગયા હતા. આ અકસ્માતની ઘટનાના પગલે બાઈક પર સવાર પત્નીને ઈજાઓ પહોંચતા સારવાર અર્થે હોસ્પિટલ ખસેડવામાં આવ્યા હતા.

જ્યારે આ અકસ્માતને પગલે ટ્રાફિક જામના દ્રશ્યો સર્જાતા વાહનોની લાંબી કતારો લાગી હતી. આ અકસ્માતની ઘટનાના પગલે પોલીસે ઘટના સ્થળે પહોંચી ટ્રાફિકને હળવો કરવાના પ્રયાસો હાથ ધર્યા છે. જ્યારે મૃતક બાઈક ચાલક પાસેથી ઓળખના કોઈપણ પૂરાવા મળી નહી આવતા પોલીસે ઓળખ મેળવવા તપાસ શરૂ કરી છે.