મોરબીમાં ઘડિયાળના કારખાનામાં વિકરાળ આગ, જાનહાનિ ટળી

મોરબીના ઇન્ડસ્ટ્રીયલ વિસ્તાર એવા લાતી પ્લોટ વિસ્તારમાં આવેલા હિમાલય ફ્રેમ નામના ઘડિયાળ ની ફ્રેમ બનાવતા એક કારખાના નાં બીજા માળે સાંજના સમયે અચાનક આગ ભભુકી ઉઠી હતી.આ ફેક્ટરીના કર્મચારી દ્વારા શરૂૂઆતમાં આગ પર કાબુ મેળવવા પ્રયાસ કર્યો હતો પરંતુ ફેકટરીમાં રહેલા વેસ્ટ અને પ્લાસ્ટિક વસ્તુઓના કારણે આગ બેકાબૂ બની ગઈ હતી જે બાદ તેઓએ ફાયર વિભાગને જાણ કરતા મોરબી ફાયર વિભાગની ટીમ ઘટના સ્થળે પહોંચી હતી.

જોકે સાંકડી ગલીમાં આગ લાગી હોવાથી ફાયર વિભાગની ટીમને અંદર જવામાં તેમજ આગ પર કાબૂ મેળવવા ભારે જહેમત ઉઠાવવી પડી હતી. આગ પર કાબુ મેળવવા લગભગ પાંચ કલાક કરતાં પણ વધુ સમય સુધી પાણીનો મારો ચલાવવો પડ્યો હતો સદ નસીબે ઘટનામાં કોઈ જાન હાની ન થતાં લોકોએ પણ રાહત અનુભવી હતી.આ ઘટનામાં ફેકટરીમાં કાચા માલ સામાન કેમિકલ સહિતની ચીજ વસ્તુઓ બળીને રાખ થઈ ગઈ હતી.આગનું કારણ સામે આવી શક્યું નહોતું પરંતુ શોટ સર્કિટ થી આગ લાગી હોવાનું ફાયર વિભાગ અનુમાન લગાવી રહી છે