જેતપુરના વેપારીના રૂા.21 લાખના ઉઘરાણી પ્રકરણમાં DIGને તપાસ કરવા HCનો હુકમ
ગુજરાત હાઇકોર્ટમાં જેતપુરના એક અરજદાર દ્વારા અરજી કરવામાં આવી હતી કે, બાવળા, ચાંગોદર અને જેતપુર પોલીસ મથકેથી તેને ફોન આવે છે. એક ફરિયાદીની અરજીના આધારે ફરિયાદીને 21 લાખ રૂૂપિયા ચૂકવી દેવા પોલીસ જણાવે છે. જે સંદર્ભે કોર્ટે કહ્યું હતું કે, શેના માટે પોલીસ અરજદારને નોટિસ કાઢે છે? આવું કરવું જરૂૂરી છે? સંબંધિત પોલીસ મથકના ડીવાયએસપી અથવા ડીએસપીને કોર્ટ દ્વારા બોલાવવામાં આવ્યા હતા. જેથી અમદાવાદ ગ્રામ્ય વિસ્તારના ઉુતા નીલમ ગોસ્વામી હાઈકોર્ટમાં હાજર થયા હતા. અરજદારે જણાવ્યું હતું કે, ચાંગોદર પોલીસ મથકની હદમાં ફરિયાદીનો વિસ્તાર ના આવે તો પણ તેઓ આ કેસમાં પડ્યા હતા. હાઇકોર્ટે સાણંદ ડિવિઝનના ડીવાયએસપી દ્વારા આ કેસ બાબતે ડિટેલ એફિડેવિટ માંગી હતી. આખરે આજે હાઇકોર્ટે આ કેસ ડીઆઇજી દ્વારા તપાસ ચાર અઠવાડીયામાં પૂરી કરવાના નિર્દેશ સાથે અરજીનો નીકાલ કરાયો હતો.
આ કેસમાં અગાઉ હાઇકોર્ટે પોલીસની આકરી ઝાટકણી કાઢી હતી. એટલી હદે કે એડિશનલ એડવોકેટ જનરલે આ કેસમાં હાજર થઈને કોરે પોલીસ વિરુદ્ધ હુકમમાં કરેલ ટીપ્પણીઓમાં ફેરફારની માંગ કરાઇ હતી, જેને કોર્ટે ગ્રાહ્ય રાખી હતી. કેસની મૂળ વિગત જોતા રાજકોટના જેતપુરમાં પાર્ટનરશીપમાં એગ્રી બિઝનેસનો ધંધો કરતા અરજદારે એડવોકેટ પ્રશાંત ચાવડા મારફતે હાઈકોર્ટમાં અરજી કરી હતી. જેમાં તેને જણાવ્યું હતુ કે, એક ફરિયાદી તેમની સામે અલગ અલગ પોલીસ મથકે ખોટી ફરિયાદ અને અરજીઓ આપે છે. જે સંદર્ભે ઉુતા જેતપુર, પીઆઇ બાવળા અને ચાંગોદર પોલીસ મથકેથી તેમને ફોન આવ્યા હતા. જેનો જવાબ પણ આપવામાં આવ્યો હતો. ચાંગોદર પોલીસ મથકેથી તો તેના સામે સમન્સ નીકળ્યું હતું.
અરજદારના પાર્ટનર ઉપર પહેલા બાવળા પોલીસ મથકેથી ફોન આવ્યો હતો કે તેઓએ ફરિયાદીને લેવાના નીકળતા બિલના બાકીના પૈસા ચૂકવ્યા નથી. ત્યારબાદ ચાંગોદર પોલીસ મથકેથી સમન્સ આવ્યું હતું. અરજદારના કહ્યા મુજબ ખરેખરમાં અરજદારને ફરિયાદીએ છેતર્યા છે. જેમાં અરજદારે એગ્રિકલચર પ્રોડક્ટની નિકાસ માટે ફરિયાદી પાસેથી પ્રોડક્ટ મંગાવી હતી. જો કે આ પ્રોડક્ટ હલકી ગુણવત્તાની હોવથી તેની નિકાસ થઈ નહિ અને માલ ગોડાઉનમાં પડ્યો રહ્યો. જેનું ભાડું પણ અરજદારે ચૂકવ્યું હતું. અરજદારને ખુદ 21 લાખનું નુકશાન થયું છે.
અરજદારે વધુમાં જણાવ્યું હતું કે, પોલીસને ફરિયાદી સામે ખોટી ફરિયાદ કરવા બદલ પગલા લેવા અરજી આપી પણ તેની સામે પોલીસે દ્વારા કોઈ પગલા લેવાયા નહિ. અરજદારને જેતપુર ઉુતા એ બોલાવીને ફરિયાદીને નાણાં ચૂકવી દેવા ધમકાવવામાં આવ્યો હતો. જેને વકીલ મારફતે જવાબ પણ આપાયો હતો. કસ્ટમ હાઉસની લેબોરેટરી મુજબ ફરિયાદીએ મોકલેલ માલ હલકી ગુણવત્તાનો હતો. આમ ફરિયાદી સામે જ ફરિયાદ થવી જોઈએ, હવે અરજદારને પોલીસ દ્વારા હેરાન કરવામાં આવે નહિ અને જવાબદાર પોલીસ કર્મચારીઓએ સામે પગલાં લેવામાં આવે.