સવા ઇંચ વરસાદમાં ઘાણી, 150 ફૂટ રિંગ રોડ પાણી પાણી

રાજકોટમાં હજુ જોઇએ તેવું ચોમાસુ જામ્યુ નથી પરંતુ શહેરમાં હળવા વરસાદમાં પણ 150 ફુટ રિંગરોડ પાણી પાણી થઇ જાય છે. ગઇકાલે મોડીસાંજે પડેલા સવા ઇંચ વરસાદમાં પણ માધાપર ચોકડીથી લઇ રામાપીર ચોકડી સુધીનો રીંગરોડ પાણીમાં ગરક થઇ જતા માધાપર ચોકડીથી માંડી રૈયા ચોકડી સુધી ટ્રાફિકજામ થઇ ગયો હતો અને અનેક વાહન ચાલકો ફસાઇ ગયા હતા. રીંગરોડ ઉપરથી પાણીના નિકાલની વ્યવસ્થા નહીં હોવાથી લોકોને ભારે હાડમારી વેઠવી પડે છે. ગઇકાલે સાંજે સેન્ટ્રલ ઝોનમાં 26 મીમી, વેસ્ટ ઝોનમાં 33 અને ઇસ્ટઝોનમાં 27 મીમી વરસાદ નોંધાયો હતો.