ગુજરાત પર ચાર સિસ્ટમ સક્રિય, હજુ ચાર દિવસ ભારે વરસાદની આગાહી

હવામાન વિભાગે આગામી 4 દિવસ (19 થી 22 જુલાઈ) સુધી રાજ્યના વિવિધ ભાગોમાં વરસાદની આગાહી કરી છે. સૌરાષ્ટ્ર અને દક્ષિણ ગુજરાતના કેટલાક જિલ્લાઓમાં રેડ એલર્ટ જાહેર કરવામાં આવ્યું છે. આ સાથે જ ભારે વરસાદની પણ શક્યતા છે. તદુપરાંત, સમગ્ર ગુજરાત રાજ્યના દરિયાકાંઠાના વિસ્તારોમાં આગામી બે દિવસ અને દક્ષિણ ગુજરાતના દરિયાકાંઠાના વિસ્તારોમાં વીજળીના કડાકા ભડાકા સાથે જોરદાર પવન ફૂંકાવાની શક્યતાને પગલે માછીમારોને આગામી બે દિવસ દરિયો ન ખેડવાની સૂચના આપવામાં આવી છે. પવનની ઝડપ 45 થી 55 કિમી પ્રતિ કલાકની રહેશે. જ્યારે તેની સ્પીડ વધીને 65 કિમી પ્રતિ કલાક થઈ શકે છે.

ગુજરાત રાજ્યમાં આગામી દિવસોમાં ભારે વરસાદની સંભાવના હવામાન વિભાગે વ્યક્ત કરી છે. આજે રાજ્યના કેટલાક ભાગોમાં અતિ ભારે વરસાદ સાથે રેડ એલર્ટ જાહેર કરવામાં આવ્યું છે અને કેટલીક જગ્યાએ ભારેથી અતિ ભારે વરસાદ સાથે ઓરેન્જ એલર્ટ જાહેર કરવામાં આવ્યું છે. હાલમાં ગુજરાત રાજ્ય પર એક સાથે ચાર સિસ્ટમ સક્રિય બની છે, જેમાં સૌરાષ્ટ્ર અને કચ્છના ભાગોમાં સાયક્લોનિક સરક્યુલેશન, વેસ્ટર્ન ડિસ્ટર્બન્સ, ઓફ શોર્ટ ટ્રફ અને શીયર ઝોન ગુજરાતથી ઉત્તર કેરળ સુધી સક્રિય બન્યા છે, જેમાં ચક્રવાતની અસર જોવા મળી રહી છે. પરિભ્રમણ અને બંધ ટૂંકી ચાટ અનુભવાઈ રહી છે. . જેના કારણે સૌરાષ્ટ્ર-કચ્છ અને દક્ષિણ ગુજરાતના જિલ્લાઓમાં ભારે વરસાદની સંભાવના છે.

હવામાન વિભાગની આગાહી અનુસાર, આજે (19મી જુલાઈ) પોરબંદર, દેવભૂમિ દ્વારકા, જૂનાગઢ, અમરેલી, ગીર સોમનાથ અને દીવમાં ભારેથી અતિભારે વરસાદ પડી શકે છે. જ્યારે રાજકોટ, જામનગર, ભાવનગર, કચ્છ જિલ્લામાં ભારે વરસાદનું એલર્ટ છે.

20મી જુલાઈએ ગીર સોમનાથ, અમરેલી, ભાવનગર, સુરત, તાપી, નવસારી, વલસાડ અને ડાંગમાં ભારે વરસાદ થઈ શકે છે. જ્યારે કચ્છ, મોરબી, સુરેન્દ્રનગર, રાજકોટ, દેવભૂમિ દ્વારકા, પોરબંદર, જૂનાગઢ, બોટાદ, અમદાવાદ, ગાંધીનગર, મહેસાણા, પાટણ, બનાસકાંઠા, સાબરકાંઠા, અરવલ્લી, મહિસાગર, પંચમહાલ, દાહોદ, છોટા ઉદેપુર, વડોદરા, આણંદ, ખેડા, ભરૂૂચ અને નર્મદામાં હળવોથી મધ્યમ વરસાદ થઇ શકે છે. 21 જુલાઈના રોજ અમરેલી, ભાવનગર, નવસારી અને વલસાડમાં ભાર વરસાદ થઇ શકે છે. જ્યારે કચ્છ, મોરબી, સુરેન્દ્રનગર, જામનગર, દેવભૂમિ દ્વારકા, પોરબંદર, જૂનાગઢ, ગીર સોમનાથ, રાજકોટ, બોટાદ, અમદાવાદ, ગાંધીનગર, મહેસાણા, પાટણ, બનાસકાંઠા, સાબરકાંઠા, અરવલ્લી, મહિસાગર, પંચમહાલ, દાહોદ, છોટા ઉદેપુર, વડોદરા, આણંદ, ખેડા, ભરૂૂચ, નર્મદા, સુરત, તાપી અને ડાંગમાં પડી શકે છે.