ગોમતી નદીમાં સ્નાન કરી રહેલા વૃદ્ધાનું ડૂબી જતા મૃત્યુ

તામિલનાડુ જિલ્લાના ઇન્દિરા નગર વિસ્તારમાં રહેતા કામાક્ષી ગોપાલકૃષ્ણન બ્રાહ્મણ નામના 75 વર્ષના વૃદ્ધા ગઈકાલે બુધવારે દ્વારકામાં આવેલા ગોમતીઘાટ ખાતે સ્નાન કરવા જતા એકાએક જોરદાર દરિયાઈ મોજું આવતા કામાક્ષીબેન પાણીમાં તણાઈ ગયા હતા અને ડૂબી જવાના કારણે તેમનું મૃત્યુ નિપજ્યું હતું. આ બનાવની જાણ લલિતા શ્રીનિવાસન (ઉ.વ. 70, રહે. કાંચિપુરમ) એ દ્વારકા પોલીસને કરી છે.

ખંભાળિયા, કલ્યાણપુરમાં જુગાર રમતા 10 શખ્સો ઝડપાયા
ખંભાળિયાના સંજયનગરમાં વિસ્તારમાં આવેલા આરાધના નગર ખાતે પોલીસે ગતસાંજે જુગાર રમી રહેલા ભાવેશ રામ રુડાચ, રામ ખેતા ધારાણી, રામ કરણ ગંઢ અને લખન ગોવિંદ રાજાણીને રૂૂપિયા 12,500 ના મુદ્દામાલ સાથે ઝડપી લીધા હતા. અન્ય એક કાર્યવાહીમાં કલ્યાણપુર પોલીસે ભાટીયા ગામેથી મોડી રાત્રીના સમયે દીપક દેવશી પારીયા, સીદા રાણા પારીયા, ખીમા રાણા પારીયા, દેવશી દેશ પારીયા, દેવરાજ ખીમા માતંગ અને બાના દેશા માતંગ નામના છ શખ્સોને ઝડપી લઈ, રૂૂપિયા 11,200 નો મુદ્દામાલ કબજે કર્યો હતો.