જૂનું એરપોર્ટ પુન: શરૂ કરવા ગુજરાત ટ્રેડર્સ ફેડરેશનની માગણી

સમય અને નાણાની બચત માટે ખુબજ ફાયદાકારક એવા તેમજ તમામ સુવિધાઓથી સજ્જ રાજકોટના જૂના એરપોર્ટને તાકિદે ફરી શરૂ કરવા ગુજરાત ટ્રેડર્સ ફેડરેશન દ્વારા બુલંદ માંગ કરી છે.રાજકોટ હિરાસર એરપોર્ટ માત્ર ડોમેસ્ટિક ફૂલાઇટ્સનું સંચાલન કરશે અને ઇન્ટરનેશનલ ફલાઇટ્સ નહી આવી જાહેરાત બાદ પ્રવાસીઓની સુવિધા માટે જૂના રાજકોટ એરપોર્ટને પુન: શરૂ કરવું જરૂરી છે.

રાજકોટ એ દેશના 10 સૌથી ઔદ્યોગિક શહેરમાંનું એક છે, જે દેશની આર્થિક પ્રગતિમાં નોંધપાત્ર સ્થાન ધરાવે છે. તે સૌરાષ્ટ્ર પ્રદેશનું કેન્દ્ર છે જે અમદાવાદ, સુરત કોરિડોર પછી સૌથી વધુ યોગદાન આપી રહ્યું છે. તેની પાસે તમામ બંદરો છે અને તે દેશમાં નિકાસ વ્યવસાય માટે ખૂબ જ નિર્ણાયક છે. તે કૃષિ ઉત્પાદનોથી લઈને મોટા ઔદ્યોગિક મશીનરીનું ઉત્પાદન કરે છે.

તેમાં સોમનાથ અને દ્વારકા જેવા સૌથી મહત્વપૂર્ણ તીર્થસ્થાનો અને સાસણ ગીર જંગલ અને પોરબંદર, ગાંધીજીનું જન્મ સ્થળ જેવા પ્રવાસન સ્થળો પણ છે. ભારતના ફિશરીઝ પ્રોડક્ટ્સની નિકાસમાં તેનું મોટું યોગદાન છે.
હિરાસર એરપોર્ટ શહેરથી 30 કિમી દુર છે અને જો ઇન્ટરનેશનલ ફ્લાઇટ્સ ઓપરેટ કરવામાં આવતી નથી, તો રાત્રિના સમયે સેવાઓની જરૂૂર પડશે નહીં. આ વાતને ધ્યાને લઇને એરપોર્ટ પ્રવાસીઓ માટે સમય અને નાણાં બંનેની બચત કરવા માટે ખૂબ અનુકૂળ છે. સૌરાષ્ટ્રના 8 જિલ્લાના મુસાફરો આ એરપોર્ટનો જ ઉપયોગ કરે છે. જૂના એરપોર્ટ પર તમામ સુવિધા અકબંધ છે જેનો તાત્કાલિક અસરથી ઉપયોગ કરી શકાય છે.

રાજકોટની મહત્વની વાત એ છે કે વડાપ્રધાને તેમની પ્રથમ ચૂંટણી ગુજરાત વિધાનસભા તરીકે લડવાનું પસંદ કર્યું હતું. ત્યારે રાજકોટ જૂના એરપોર્ટને પુન:શરૂૂ કરવા હુકમ કરવામાં આવે તેવી લેખિત રજુઆત ગુજરાત ટ્રેડર્સ ફેડરેશન, અમદાવાદના પ્રમુખ જયેશભાઇ તન્નાએ દેશના કેન્દ્રીય મંત્રી અને ઉડ્ડયનમંત્રી, પીએમ, સીએમને લેખિત રજુઆત કરી છે.