રીબડા પાસે રિક્ષાએ બાઇકને ઉલાળતા પિતાની નજર સામે જ દીકરીનું મોત

આજે રીબડા નજીક બાઇકને રીક્ષાના ચાલકે ઠોકરે લેતા પિતા-પુત્રી ધવાયા હતાં. તે બંન્નેને રાજકોટની સિવિલમાં ખસેડવામાં આપતા પુત્રીનું મોત નીપજ્યું હતું. આ લોકો રાજકોટ આપતા હોવાનું જાણવા મળી રહયું છે.
બનાવની વિગતો અનુસાર, જેતપુર-ધોરાજી રોડ પર સંઘી પ્લોટમાં રહેતા ઇસુલભાઇ પાસીનભાઇ લાલવાણી (ઉ.વ.37) તેમની દીકરી સબીનાને લઇ રાજકોટ આંખના ડોકટરને બતાવવા આવતા હતા ત્યારે રીબડા નજીક રીક્ષાએ ઠોકરે લેતા પિતા અને પુત્રી બંન્ને રસ્તા પર ફંગોવ્યા હતા અને જેમાં બંન્નેને ગંભીર ઇજા થતાં અહીની સિવિલ હોસ્પિટલે ખસેડવામાં આવતાં પુત્રીને ફરજ પરના તબીબે મૃત જાહેર કરી હતી. ઇસુલભાઇને સંતાનમાં એક પુત્ર અને બે દીકરી હતી જેમાં સબીના નાની હતી. તેમજ ઇસુલભાઇ મજુરીકામ કરે છે. દીકરીના મોતથી પરિવારમાં માતમ છવાયો છે.