વોટચોરીના મુદ્દે કોંગ્રેસના આક્રમક તેવર, 8મીએ વિધાનસભાને કરશે ઘેરાવ

રાજ્યભરમાં વોટર અધિકાર યાત્રા યોજાશે: મુકુલ વાસનિક

નાગરિકોના વોટના હક્ક અને અધિકારના રક્ષણ માટે અને વોટ ચોરી સામેની લડાઈ માટેની વોટર અધિકાર જનસભાથને સંબોધન કરતા રાજ્યસભા સાંસદ અને સંગઠન પ્રભારી મુકુલ વાસનિકએ જણાવ્યું હતું કે લોકસભા વિપક્ષના નેતા રાહુલ ગાંધીએ પવોટ ચોરીથનું કૌભાડ સમગ્ર દેશના લોકો સામે ખુલ્લું પાડ્યું છે. આજ દેશમાં લોકશાહી પર મોટો પ્રશ્ન ઉભો થઈ રહ્યો છે.

પહેલા ચૂંટણીપંચ વિપક્ષ સવાલનો જવાબ આપતું હતું. પરંતુ અત્યારે ચૂંટણીપંચ વિપક્ષનો જવાબ આપવાને બદલે રાહુલ ગાંધીને ચેતવણી આપે છે કે 7 દિવસમાં માફી માંગે નહીં તો કાર્યવાહી કરવામાં આવશે. દેશમાં જે રીતે વોટચોરી થઈ રહી છે તેને જોતા નૈતિકતાના ધોરણે વડાપ્રધાનને સત્તા પર રહેવાનો અધિકાર નથી.
રાહુલ ગાંધીના નેતૃત્વમાં વોટચોરીના ષડયંત્ર સામે જનતા રસ્તા ઉપર ઊતરી આવી છે. ગુજરાતમાં પણ કોંગ્રેસ દ્વારા જિલ્લે જિલ્લે આયોજિત મશાલ રેલી અને ધરણા કાર્યક્રમમાં પણ લોકો આક્રોશ સાથે મોટી સંખ્યામાં જોડાયા હતા. ભાજપ પ્રજાના સાચા મતથી સત્તા પર બેઠા નથી. ગુજરાતમાં પણ વોટ ચોરી અંગે ચકાસણી કરતા નવસારી લોકસભામાં 30 હજાર વધુ બોગસ, નકલી, વોટ ચોરી પકડાઈ હવે આ વોટ ચોરને પકડવાની શરૂૂઆત થઈ ગઈ છે. જુદી જુદી પાંચ પધ્ધતિ વોટ ચોરી કરવામાં આવી છે. ત્યારે આગામી દિવસોમાં કોંગ્રેસ પક્ષ ઘરે ઘરે જઈ વોટર વેરિફિકેશન કરશે.

ભાજપના પ્રમુખના વિસ્તારમાં જ વોટ ચોરી પકડાઈ છે. 24 કલાક બાદ પણ ઇલેક્શન કમિશન બોલવા તૈયાર નથી. માત્ર 40 ટકા મતદાર યાદીની ચકાસણીમાંથી 12 ટકા મતદારો બોગસ હતા. આટલી મોટી પવોટ ચોરીથ પકડાઈ હોવા છતાં સરકારના પેટનું પાણી હલતું નથી. ડિસેમ્બર 2027 સુધીમાં તમામ બૂથમાંથી વોટચોરી પડકવામાં આવશે. જેના ભાગરૂૂપે ગુજરાતમાં વોટચોરી પડકવામાં કોંગ્રેસ પક્ષ પવોટર અધિકાર યાત્રાથ કરશે. ગુજરાતની જનતાને પણ અપીલ કરું છું હવે લોકશાહી બચવાની લડાઈ લડવાની છે તારીખ 8 સપ્ટેમ્બરે ગાંધીનગર વિધાનસભા ઘેરાવ કાર્યકમ કરવામાં આવશે.