સેક્રેડ હાર્ટ ચર્ચમાં ક્રિસમસની ધામધૂમથી ઉજવણી

જામનગર શહેરમાં ક્રિસમસની ઉજવણી દર વર્ષની જેમ આ વર્ષે પણ ધામધૂમથી કરવામાં આવી હતી. ખાસ કરીને અંબર ચોક પાસે આવેલ સેક્રેડ હાર્ટ ચર્ચમાં મધ્યરાત્રિએ યોજાયેલ કાર્યક્રમમાં શહેરના હજારો ખ્રિસ્તી ભાઈ-બહેનો ઉપસ્થિત રહ્યા હતા. ચર્ચને વિશેષ રીતે સજાવવામાં આવ્યું હતું ભગવાન ઈસુના જન્મ દિન ના જુદા જુદા કટાઉટ તૈયાર કરીને રાખવામાં આવ્યા છે, ઉપરાંત ભગવાન ઇસુના જન્મ લઈને સમુહ પ્રાર્થના સહિતના કાર્યક્રમોનું આયોજન કરવામાં આવ્યુ હતુ. અને ખ્રિસ્તજન્મની ઘટનાનું મંચન કરવામાં આવ્યું હતું. આ મંચનમાં મરિયમ, યુસુફ અને બાળક ઈસુની મૂર્તિઓ મુખ્ય આકર્ષણનું કેન્દ્ર બની હતી.

પાદરીશ્રીએ પોતાના પ્રવચનમાં પ્રેમ, શાંતિ અને એકતાનો સંદેશો આપ્યો હતો. તેમણે કહ્યું હતું કે, ઈસુ ખ્રિસ્તનો જન્મદિવસ માત્ર એક ધાર્મિક તહેવાર નથી પરંતુ આપણા જીવનમાં પ્રેમ, શાંતિ અને એકતાનો સંદેશો આપવાનો એક અવસર છે. આપણે સૌએ આ સંદેશને આત્મસાત કરીને એકબીજા સાથે પ્રેમ અને ભાઈચારો રાખવો જોઈએ.
ઉત્સવમાં વિવિધ સાંસ્કૃતિક કાર્યક્રમોનું પણ આયોજન કરવામાં આવ્યું હતું. જેમાં બાળકો દ્વારા ભજવાયેલા નાટકો, ગીતો અને નૃત્યોનો સમાવેશ થતો હતો. આ ઉપરાંત, ચર્ચમાં વિશેષ પ્રાર્થનાનો કાર્યક્રમ પણ યોજાયો હતો. આ કાર્યક્રમમાં ઉપસ્થિત તમામ લોકોએ એક સાથે પ્રાર્થના કરીને ઈસુ ખ્રિસ્ત પાસેથી આશીર્વાદ મેળવ્યા હતા.
આ ઉત્સવમાં શહેરના વિવિધ સમાજના લોકોએ પણ ભાગ લઈને આ ઉત્સવને વધુ રંગીન બનાવ્યો હતો. આ ઉત્સવ દ્વારા સમાજમાં પ્રેમ, શાંતિ અને એકતાનો સંદેશો ફેલાયો હતો.