બોરવેલમાં પડી ગયેલા બાળક જિંદગી સામેનો જંગ હાર્યો : સારવારમાં મૃત્યુ

જામનગર જિલ્લાના લાલપુર તાલુકાના ગોવાણા ગામે રમતા-રમતા બોરવેલમાં ખબકેલા બાળકને મહા મહેનતે બોરવેલમાંથી બહાર કાઢી બેભાન હાલતમાં સારવાર અર્થે જામનગરની હોસ્પિટલમાં ખસેડાવામાં આવ્યો હતો પરંતુ બાળક જીંદગી સામેનો જંગ હારી ગયો હતો અને 20 દિવસની સારવાર બાદ તેનું મૃત્યુ નીપજ્યુ હતું.

આ ઘટના અંગેની જાણવા મળતી મહીતી મુજબ લાલપુર તાલુકાના ગોવાણા ગામે રમતા-રમતા બાળક બોરવેલમાં ખબક્યો હતો આ બનાવની પરીવાર જનો દ્વારા તંત્રને જાણ કરતા ફાયરબ્રિગેડ સહિતનો કાફલો ઘટના સ્થળે દોડી જઇ મહા મહેનતે બોરવેલમાં ફસાયેલા બાળકને બહાર કાઢ્યો હતો.

બોરવેલ માંથી બેભાન હાલતમાં બહાર કઢાયેલા બાળકને સારવાર અર્થે જામનગરની જી.જી.હોસ્પિટલમાં ખસેડવામાં આવ્યો હતો પરંતુ 20 દિવસ સુધી જિંદગી સામેનો જંગ લડી રહેલો બાળકને મોડી રાત્રીના સારવાર દરમિયાન દમ તોડી દીધો હતો.