સીસીટીવીની ઐસી કી તૈસી..., વધુ 26 થૂકણિયા પકડાયા

• કમાન્ડ એન્ડ ક્ધટ્રોલ વિભાગ દ્વારા તમામને ઈ-મેમો દ્વારા દંડ ફટકારાયો

રાજકોટ શહેરને પાનની પીચકારીઓ મારીને ગોબરુ કરનારા ખુટતા નથી તેવું ગઈકાલે પણ સાબીત થયું છે. એક જ દિવસમાં અલગ અળગ સ્થળે 26 વ્યક્તિઓ જાહેરમાં પાન-ફાકી ખાઈને થુકતા પકડાઈ જતાં તમામને ઈમેમો મારફતે દંડ ફટકારવામાં આવ્યો હતો.

રાજકોટ શહેરમા સફાઇ અંગે જાગૃતિ આવે અને શહેરને પ્લાસ્ટીક મુકત કરવા, સફાઈ અંગે ની ફરિયાદોનાં ઝડપી નિવારણ તેમજ લોકો માં સફાઇ અંગે જાગૃતિ આવે તે માટે કમાન્ડ એન્ડ કંટ્રોલ સેન્ટર દ્વારા ન્યુસન્સ પોઈન્ટ ખાતે કચરો ફેંકતા લોકોને તેમજ પ્રતિબંધિત પ્લાસ્ટીક વાપરનારા, જાહેરમાં ન્યુસન્સ કરતા આસામીઓને તેમજ જાહેરમાં પાન-ફાકી ખાઈ થુંકનારને સીસીટીવી કેમેરાના માધ્યમ દ્વારા ઝડપી લઇ દંડ વસુલાત ની કામગીરી હાથ ધરવામાં આવેલ છે, જે અંતર્ગત તા.27-03- 2024 તથા તા.28-03-2024 તથા તા.29-03-2024 ના રોજ 26 વ્યક્તિઓને જાહેરમાં પાન-ફાકી ખાઈને થુંકતા તેઓ ને ઈ-ચલણ દ્વારા દંડ કરવામાં આવેલ છે.

કમાન્ડ એન્ડ કંટ્રોલ સેન્ટરના કુલ 1000 કેમેરા દ્વારા દિનભરમાં 5525 લોકેશન ચેક કરવામાં આવેલ, જે અંતર્ગત કુલ 1438 સફાઈ કામદારોની સફાઈ કામગીરીનું નિરીક્ષણ કરવામાં આવેલ છે, દરમ્યાન તા.25-03-2024 તથા તા.26-03-2024 ના રોજ સોલીડ વેસ્ટ મેનેજમેન્ટ શાખાની સફાઈ બાબતની 42 ફરિયાદો સીસીટીવી ક્ધટ્રોલ રૂૂમ દ્વારા ફરિયાદી બની કરવામાં આવેલ હતી. આ ફરિયાદોનું ફોલોઅપ જે તે વિસ્તારના સેનીટરી ઇન્સ્પેકટર પાસેથી મેળવી 24 કલાક માં ફરિયાદનુ નિવારણ કરવામાં આવેલ.

ઉપરોકત કામગિરી માનનિય મ્યુનિ. કમિશનરશ્રી આનંદ પટેલના આદેશ અને નાયબ કમિશનરશ્રીના સુપરવિઝન હેઠળ, કમાંડએન્ડ કંટ્રોલ સેન્ટરના નોડલ ઓફિસરશ્રી વત્સલ પટેલ તેમજ તાબા હેઠળનાં સ્ટાફ દ્વારા કામગીરી હાથ ધરવામાં આવેલ હતી.