સાવરકુંડલામાં કાર પલટી ગયા બાદ સળગી, બે યુવાન ભડથું

સાવરકુંડલાના હાથસણી રોડ ઉપર ગુજરાત ગેસના ગોડાઉન પાસે અકસ્માત થવાની સાથે કાર ગટરમાં ખાબકી સળગી ઉઠતાં કારમાં સવાર બેના ઘટના સ્થળે જ ભુંજાઈ જવાથી મોત નિપજયા હતા. આ ઘટના અંગે પોલીસે ફરિયાદ નોંધી વધુ કાર્યવાહી હાથ ધરી છે.

આ બનાવની વધુ વિગત મુજબ સ્વિફટ ડિઝાઈર કાર લઈને બે વ્યક્તિ ઉપરોકત રસ્તા પર પસાર થઈ રહી હતી ત્યારે અચાનક આગળના વ્હીલમાં ખાડો આવવાથી બેલેન્સ ગુમાવ્યું હતું. આ કાર સીધી ગટરમાં ખાબકી હતી. અને તેની સાથે જ મોટા ધડાકા સાથે સળગી ઉઠી હતી. જે કારમાંથી બહાર નીકળવાનો પણ સમય રહેતાં વિરલભાઈ હેલૈયા (રહે. મોટા ઝીંઝુડા) અને અનિલભાઈ જીવાભાઈ કટારીયા (રહે. સાવરકુંડલા)નું મોત નિપજયું છે. આ બનાવ અંગે પોલીસે સ્થળ જઈ તપાસ હાથ ધરી છે.