શ્રીલંકા સામેની ટેસ્ટ સિરીઝમાં કેપ્ટન કમિન્સ નહીં રમે?

બીજા બાળકના આગમનની સંભાવના

ભારત સામેની સિડની ટેસ્ટ-મેચ બાદ ઑસ્ટ્રેલિયા માટે શ્રીલંકા-ટૂર પણ મહત્ત્વપૂર્ણ હશે. વર્લ્ડ ટેસ્ટ ચેમ્પિયનશિપ (ઠઝઈ)ના ફાઇનલિસ્ટ બનવાની રેસ માટે શ્રીલંકા-ટૂરની બે ટેસ્ટનાં રિઝલ્ટ પણ અસર કરી શકે છે, પરંતુ ઑસ્ટ્રેલિયન કેપ્ટન પેટ કમિન્સે આ ટૂર માટે ન જવાના સંકેત આપ્યા છે.

કમિન્સે એક ઇન્ટરવ્યુમાં સંકેત આપ્યો કે તે તેના બીજા બાળકના જન્મની સંભાવનાને કારણે 29 જાન્યુઆરીથી છઠ્ઠી ફેબ્રુઆરી વચ્ચે શ્રીલંકામાં આયોજિત બે મેચની ટેસ્ટ-સિરીઝ ચૂકી શકે છે. તેની પત્ની બેકી બોસ્ટન કમિન્સે આ પહેલાં 2021માં દીકરાને જન્મ આપ્યો હતો. પેટ કમિન્સની ગેરહાજરીમાં સ્ટીવ સ્મિથ અથવા ટ્રેવિસ હેડ ઑસ્ટ્રેલિયન ટીમની કેપ્ટન્સી કરશે.