દ્વારકા જિલ્લામાં પાલિકા-પંચાયતની ચૂંટણીમાં ભાજપનો હાથ ઉપર

સલાયા પાલિકામાં ભાજપનો ધબડકો: તાલુકા પંચાયતની બે બેઠકમાં ભાજપ કોંગ્રેસની 50- 50

દેવભૂમિ દ્વારકા જિલ્લામાં રવિવારે યોજાઈ ગયેલી ત્રણ નગરપાલિકા તેમજ બે તાલુકા પંચાયતની બેઠકની પેટા ચૂંટણી સહિત પાંચ સ્થાનિક સ્વરાજ્યની ચૂંટણીના પરિણામો માટે આજે સવારથી મતગણતરીનો પ્રારંભ થયો છે. સ્થાનિક કક્ષાએ સવારથી શરૂૂ કરવામાં આવેલી મત ગણતરીમાં ભારે ઉત્તેજનાસભર માહોલ સર્જી દીધો છે. ત્યારે સલાયા નગરપાલિકામાં મત ગણતરીના પ્રારંભે આમ આદમી પાર્ટીનું વર્ચસ્વ જોવા મળી રહ્યું હતું. જ્યારે દ્વારકામાં ભાજપનો હાથ ઉપર જોવા મળ્યો હતો. કલ્યાણપુર તાલુકાની જુવાનપુર પેટા ચૂંટણીમાં ભાજપનો વિજય જાહેર થયો છે. દેવભૂમિ દ્વારકા જિલ્લાની ખંભાળિયા તાલુકાની સલાયા તેમજ ભાણવડ અને દ્વારકા નગરપાલિકાની યોજાઈ ગયેલી ચૂંટણીમાં આજે સવારથી મતગણતરીની કાર્યવાહી શાંતિપૂર્ણ રીતે શરૂૂ થઈ હતી.

સલાયા નગરપાલિકાની ચૂંટણીની મત ગણતરી ખંભાળિયાની પ્રાંત કચેરી ખાતે શરૂૂ કરવામાં આવી હતી. જેમાં પ્રથમ ચરણમાં પહેલા વોર્ડની તમામ ચાર બેઠકો પર આમ આદમી પાર્ટીના ઉમેદવાર વિજેતા જાહેર થતાં ભાજપ માટે એકમાત્ર આશાના કિરણ સમાન વોર્ડ નંબર 1 માં ભાજપનો ધબડકો જોવા મળ્યો હતો. આ જ પરિસ્થિતિ વોર્ડ નંબર 2 માં જારી રહી હતી અને તમામ ચાર બેઠકો પર આપનો સકંજો રહ્યો હતો.આ વચ્ચે ઉલ્લેખનીય છે કે સલાયા નગરપાલિકામાં ભાજપ માટે પ્રારંભથી જ આ ચૂંટણી કપરા ચઢાણ રૂૂપ સાબિત થઈ હતી. જ્યારે અહીંના ચોપાંખિયા જંગમાં ભાજપ જાણે હરીફાઈમાં જ ન હોય તેવું ચિત્ર જોવા મળતું હતું. જ્યારે કોંગ્રેસના પ્રભુત્વ વાળી સલાહ નગરપાલિકામાં કોંગ્રેસનું દેખાવ પણ પ્રારંભે નબળો જોવા મળ્યો હતો.

ખંભાળિયા તાલુકા પંચાયતની ભરાણા બેઠક પર કોંગ્રેસના ઉમેદવાર ઈસ્માઈલ હાજી ચમડિયા એ 1561 મત મેળવતા તેમને 610 માટે વિજેતા જાહેર કરવામાં આવ્યા હતા. જ્યારે ખંભાળિયા કલ્યાણપુર તાલુકાના જુવાનપર તાલુકા પંચાયતની પેટા ચૂંટણીમાં ભાજપના ઉમેદવાર 210 મતથી વિજેતા થયા હોવાનું પણ જાણવા મળ્યું છે. છેલ્લા આશરે અઢી દાયકાથી ભાજપનું શાસન ધરાવતી દ્વારકા નગરપાલિકામાં આ વખતે ચૂંટણી પૂર્વે 28 પૈકી નવ બેઠક બિનહરીફ થઈ ચૂકી છે. ત્યારે આજરોજ હાથ ધરવામાં આવેલી મત ગણતરીના પ્રારંભે પ્રથમ તેમજ બીજા વોર્ડના તમામ ચાર-ચાર સભ્યો ઉમેદવારો વિજેતા જાહેર થયા છે. દ્વારકા નગરપાલિકાની ચૂંટણી પ્રક્રિયા એન.ડી.એચ. હાઇસ્કુલ ખાતે હાથ ધરવામાં આવી હતી.

આ સાથે રસાકસી ભરી ભાણવડ નગરપાલિકાની ચૂંટણીમાં મતગણતરી પ્રક્રિયા વિનયન કોલેજ ખાતે કરવામાં આવી હતી જેમાં વોર્ડ નંબર એકમાં ત્રણ બેઠક ભાજપને અને એક બેઠક કોંગ્રેસને સાપડી છે. આ જ રીતે વોર્ડ નંબર 3 માં ભાજપના ત્રણ અને કોંગ્રેસના એક ઉમેદવાર વિજેતા થયા છે.દેવભૂમિ દ્વારકા જિલ્લા કલેકટર અને મુખ્ય ચૂંટણી અધિકારી આર.એમ. તન્ના તેમજ જિલ્લા એસપી નિતેશ પાંડેયના વડપણ હેઠળ સમગ્ર મતગણતરી પ્રક્રિયા એકંદરે શાંતિપૂર્ણ રીતે સંપન્ન થઈ છે.