લાલપુરના આરબલુસ ગામે ઉઘરાણી પ્રશ્ર્ને યુવાન પર હુમલો કરી હાથ ભાંગી નાખ્યો

હુમલાખોર સામે ગુનો નોંધતી પોલીસ

જામનગર જિલ્લાના લાલપુર તાલુકા ના આરબલૂસ ગામમાં રહેતા એક યુવાન પર પૈસાની લેતી દેતી ના મામલે હુમલો થયો છે, અને હાથ ભાંગી નાખ્યા ની ફરિયાદ નોંધાવાઈ છે.

આ બનાવની વિગત એવી છે કે લાલપુરના આરબલુસ ગામમાં રહેતા મનજીભાઈ ઉર્ફે જીતુભાઈ કરસનભાઈ જેપાર નામના 33 વર્ષના યુવાને પોતાના ઉપર લાકડાના ધોકા વડે હુમલો કરી હાથ ભાંગી નાખવા અંગે ધવલ કનુભાઈ જેપાર સામે ફરિયાદ નોંધાવી છે.

પોલીસ ફરિયાદમાં જાહેર કરાયા અનુસાર ફરીયાદી યુવાને આરોપીને હાથઉછીના રૂૂપિયા આપેલા હતા, જેની ઉઘરાણી કરવા જતાં આરોપી ઉશ્કેરાયો હતો, અને આ હુમલો કરી દીધાનું પોલીસમાં જાહેર થયું છે.