કોઠારિયા રોડ પર ડમ્પરની ઠોકરે ચડી જતાં વૃદ્ધનું ઘટનાસ્થળે મોત
04:44 PM Mar 20, 2024 IST
|
Bhumika
Advertisement
- ઘર પાસે ચાલીને જતાં હતાં ત્યારે અડફેટે લીધા
આજે સવારે કોઠારીયા રોડ પર ડમ્પર હડફેટે ચડી ગયેલા એક વૃધ્ધનું સિવિલ હોસ્પિટલમાં સારવાર દરમિયાન મોત થયું હતું. કોઠારીયા રોડ પર, ખોડીયાર હોેટેલ પાસે, જયનગર, હાઉસિંગ બોર્ડના કર્વાટરમાં રહેતા વિનુભાઇ નરશીભાઇ ડાભી (ઉ.વ.60) આજે સવારે 11 વાગ્યે પોતાના ઘર પાસે ચાલીને જતાં હતાં.
Advertisement
ત્યારે એક ડમ્પર જીજે03 બીવાય 7370ના ચાલકે વિનુભાઇને હડફેટે લેતા તેમને ગંભીર ઇજાઓ સાથે સારવાર માટે સિવિલ હોસ્પિટલમાં ખસેડાયા હતાં. જયાં તેમનું ટુંકી સારવારમાં મૃત્યુ થયું હતું. બનાવની જાણ પરથી હોસ્પિટલે દોડી ગયેલી આજીડેમ પોલીસે જરૂરી કાગળો કરી મૃતકની પીએમ વીધિ કરાવી હતી. પોલીસનાં જણાવ્યા મુજબ મૃતકને સંતાનમાં 1 પુત્ર અને 2 પુત્રી છે. તેમજ ત્રણ ભાઇ અને ત્રણ બહેનોમાં મોટાભાઇ હતાં. મજુરી કામ કરી પરીવારનું ગુજરાન ચલાવતાં હતાં.
Next Article
Advertisement