આવતીકાલે મનપાની વેરા વસૂલાત શાખાની તમામ બ્રાન્ચ ચાલુ રહેશે

• ઝોન ઓફિસ, સિવિક સેન્ટર અને વોર્ડ ઓફિસે વેરો ભરી શકાશે

રાજકોટ મહાનગરપાલિકાની વેરા વસૂલાત શાખામાં આવતીકાલ તા.29 માર્ચને શુક્રવારે જાહેર રજાના દિવસે પણ કામગીરી ચાલુ રહેશે. નાગરિકો વેરો ભરપાઈ કરવા સહિતની ટેક્સ સંબંધિત અન્ય કામગીરી માટે ટેક્સ શાખાનો સંપર્ક કરી શકે છે.

ઉપરોક્ત વિષય અન્વયે વેરા-વસુલાત શાખા દ્વારા નાણાકીય વર્ષ 2023-24ની સઘન ટેક્સ રીકવરી ઝુંબેશ ચાલુ હોઇ,અરજદારોને વેરા-શાખાને લગત કામકાજમાં તથા વેરા ભરપાઇ કરવા સરળતા રહે તે હેતુથી, તા.29/03/2024ના રોજ રજાઓના દિવસમાં રીકવરી, એસેસમેન્ટ તથા વસુલાત સબંધિત કામગીરી માટે વેરા-વસુલાત શાખા ઝોન ઓફીસો, તમામ વોર્ડ ઓફીસો અને સિવિક સેન્ટરો ચાલુ રાખવા નાયબ મ્યુનિ. કમિશનર દ્વારા હુકમ કરવામાં આવેલ છે, આથી કરદાતાઓ મહાપાલીકાની વેબસાઇડ ઉપરથી ઓનલાઇન વેરો ભરપાઇ કરી શકશે તેમ આસિસ્ટન્ટ મેનેજર, ટેક્સ શાખાની યાદીમાં જણાવાયું છે.