અમદાવાદના વૈજ્ઞાનિક ધ્રુવ પંચાલનું હાર્ટએટેક પર ગેમ ચેન્જર સંશોધન

અમદાવાદના નિવૃત્ત ઇસરો વૈજ્ઞાનિક ધ્રુવ પંચાલની આગેવાની હેઠળ હાર્ટ એટેકના નિદાન અને સારવારમાં ક્રાંતિકારી સંશોધન થયું છે, જેને અમેરિકાના પ્રતિષ્ઠિત હાર્ટ એસોસિએશન દ્વારા પ્રમાણિત કરવામાં આવ્યું છે. આ સંશોધન ન માત્ર ગુજરાત પરંતુ સમગ્ર ભારત માટે ગૌરવની ક્ષણ છે, કારણ કે આ નવીન શોધ હૃદયરોગની સમસ્યાને નિયંત્રિત કરવામાં ગેમ-ચેન્જર સાબિત થઈ શકે છે.

ધ્રુવ પંચાલ અને તેમની ટીમે હાર્ટ એટેકના પ્રારંભિક નિદાન અને સારવાર માટે એક અદ્યતન ટેકનોલોજી વિકસાવી છે. આ સંશોધન હૃદયના સ્વાસ્થ્યને લગતા ચોક્કસ બાયોમાર્કર્સનું વિશ્ર્લેષણ કરીને હાર્ટ એટેકના જોખમને આગોતરા ઓળખવામાં મદદ કરે છે. આ ટેકનોલોજી નવીન આર્ટિફિશિયલ ઇન્ટેલિજન્સ (AI) અને મશીન લર્નિંગ (ML) આધારિત અલ્ગોરિધમ્સનો ઉપયોગ કરે છે, જે દર્દીના ડેટાને ઝડપથી અને ચોક્કસ રીતે વિશ્ર્લેષણ કરી શકે છે.

આ સંશોધનનો મુખ્ય ઉદ્દેશ હાર્ટ એટેકના જોખમને ઓળખીને સમયસર નિવારણ અને સારવાર પૂરી પાડવાનો છે, જેનાથી હૃદયરોગથી થતા મૃત્યુદરમાં નોંધપાત્ર ઘટાડો થઈ શકે. આ સંશોધનને અમેરિકન હાર્ટ એસોસિએશન દ્વારા તેની ચોકસાઈ અને વિશ્વસનીયતા માટે માન્યતા આપવામાં આવી છે. અઇંઅના નિષ્ણાતોની ટીમે આ ટેકનોલોજીની વૈજ્ઞાનિક પદ્ધતિઓ અને પરિણામોનું ઝીણવટભર્યું પરીક્ષણ કર્યું, જેમાં તે ઉચ્ચ આંતરરાષ્ટ્રીય ધોરણોને પૂર્ણ કરતી હોવાનું જણાયું. આ પ્રમાણપત્ર આ સંશોધનની વૈશ્વિક સ્તરે સ્વીકૃતિ અને તેની સંભવિત અસરકારકતાનો પુરાવો છે.