કોઠારિયા સોલવન્ટ પાસે ઘરે ચાલીને જતા યુવાનને બાઇકે ઠોકરે ચડાવતા મોત

કોઠારીયા સોલવન્ટમાં રહેતા યુવાન ચાલીને ઘર પાસેથી પસાર થતા હતા ત્યારે તેમને બાઇકના ચાલકે ઠોકરે લેતા યુવાનને માથામાં ગંભીર ઇજા થતા તેમને સારવાર માટે હોસ્પીટલમાં ખસેડવામાં આવ્યા હતા. જયાં તેઓનું સારવારમાં મોત નિપજયું હતું.

વધુ વિગતો અનુસાર, કોઠારીયા સોલવન્ટના રસુલપરામાં રહેતા સલીમભાિ વલીમામદ સમા (ઉ.વ.42) નામનો યુવક ગઇ તા.24ના રોજ ઘરે ચાલીને જતો હતો ત્યારે અજાણ્યા બાઇકના ચાલકે ઠોકરે લેતા તેમને સારવાર અર્થે સિવિલમાં ખસેડાઇ હતી. તેમનું સારવારમાં આજે મોત નીપજયું હતુન. તેમને સંતાનમાં બે દીકરા છે અને પોતે બે ભાઇ બે બહેનમાં નાના હતા. તેમજ તેઓ મુળ ઉપલેટાનાં અને હાલ ભંગારનો ડેલો ધરાવતા હતા.