યુપીથી રાજકોટ આવેલા યુવકનો છોકરીના મુદ્દે પીછો કરી બે શખ્સોએ માર માર્યો

રામપાર્કના યુવાને ટ્રક વેચનારના બનેવીના ત્રાસથી ઝેરી ટીકડા ખાધા

યુપીથી રાજકોટ આવેલા યુવકનો છોકરી મુદ્દે બે શખ્સોએ પીછો કરી માર માર્યો હોવાના આક્ષેપ સાથે યુવકને સારવાર માટે ખસેડવામાં આવ્યો છે.આ બનાવ અંગે પોલીસમાંથી જાણવા મળતી વિગત મુજબ કણકોટ ગામમાં આવેલા પંચરત્ન પાર્કમાં રહેતો અજીત રામઅજૂરી શર્મા નામનો 19 વર્ષનો યુવાન કાલાવડ રોડ ઉપર આવેલા ભીમનગરમાં હતો. ત્યારે પીન્ટુ અને શ્યામલાલ નામના શખ્સે હથોડી વડે માર માર્યો હતો. હુમલામાં ઘવાયેલા યુવકને તાત્કાલિક સારવાર માટે સિવિલ હોસ્પિટલમાં દાખલ કરવામાં આવ્યો હતો.

પ્રાથમિક પૂછપરછમાં છોકરી મુદ્દે ડખો થતા અજીત શર્મા યુપીથી રાજકોટ આવી ગયો હતો અને હુમલાખોર બંને શખ્સોએ પીછો કરી માર માર્યો હોવાનો આક્ષેપ કરવામાં આવ્યો છે.આ ઉપરાંત અન્ય બીજા બનાવમાં આજીડેમ ચોકડી પાસે આવેલા રામપાર્કમાં રહેતા નીરવગીરી જેન્તીગીરી ગોસ્વામી નામનો 24 વર્ષનો યુવાન પોતાના ઘરે હતો ત્યારે ઝેરી ટીકડા ખાઈ લીધા હતા યુવકને ઝેરી અસર થતા તાત્કાલિક સારવાર માટે સિવિલ હોસ્પિટલમાં દાખલ કરવામાં આવ્યો હતો. પ્રાથમિક પૂછપરછમાં નીરવગીરી ગોસ્વામી વાંકાનેરના અશરફભાઈ પાસેથી ટ્રકની ખરીદી ખરીદી હતી જે ટ્રક પરત મેળવવા અસરફભાઈના બનેવી સબીરભાઈ ટોર્ચર કરી ત્રાસ આપતા હોવાના આક્ષેપ સાથે નીરોગીરી ગોસ્વામીએ ઝેરી ટીકડા ખાઈ લીધા હોવાનો આક્ષેપ કરવામાં આવ્યો છે. ઉપરોક્ત બંને બનાવ અંગે પોલીસે નોંધ કરી વધુ તપાસ હાથ ધરી છે.