આખલાની ટકકરે બાઇકસવાર રાજકોટના યુવકનું મોત, એક ગંભીર

ગુજરાતમાં ફરી એકવાર રખડતા ઢોરની ટક્કરે આશાસ્પદ યુવકનું મોત નીપજ્યું છે. રાજકોટ જસદણ બાઇપાસ રોડ પર રખડતા આખલાઓના આતંકને કારણે રાજકોટના રેલનગરમાં રહેતા કૌશિક પ્રજાપતિ નામના યુવકનું ઘટના સ્થળે જ મોત નીપજ્યું છે. બે આંખલાવો બાખડતા બંને આંખલાઓએ એક બાઈક પર જતા બે યુવકોને અડફેટે લીધા હતા. જે બાદ બન્ને યુવકો રોડ પર ફંગોળાયા. અને સામેથી આવતી કચરો ભરેલી જસદણ નગર પાલિકાની ગાડી સાથે ટકરાયા. આ અકસ્માતમાં એક યુવકનું ઘટનાસ્થળે જ મોત થઈ ગયું છે અને બીજા યુવકને ગંભીર હાલતમાં હોસ્પિટલમાં દાખલ કરવામાં આવ્યો છે. સદનસીબે આખલાઓએ ટક્કર માર્યા પછી તેઓ હેવી ટ્રક નીચે આવતાં બચી ગયા હતા. જો કે, ગંભીર ઇજા થવાથી એકનું મોત નિપજયુ હતું.