હળવદ નજીક હાઈવે પર આવેલ હોટલમાંથી 11 લાખનો વિદેશી દારૂ ભરેલ ટ્રક ઝડપાયો

• મધ્યપ્રદેશના જાંબુવામાંથી વિદેશી દારૂ મોકલવામાં આવ્યો હતો : ચાલકની ધરપકડ : 26 લાખનો મુદ્દામાલ કબજે

ગુજરાતમાં દારૂબંધી હોવા છતાં પાડોશી રાજ્યોમાંથી મોટાપાયે વિદેશી દારૂનો જથ્થો ગુજરાતમાં ઠલવાઈ રહ્યો છે. ત્યારે ગઈકાલે રાત્રે સ્ટેટ મોનીટરીંગ સેલને મળેલી ચોક્કસ બાતમીના આધારે હળવદ હાઈ-વે પર સુખપુર ગામે આવેલ હાઈ-વે હોટલ પરથી 11 લાખનો વિદેશી દારૂ ભરેલ ટ્રક સાથે ચાલકની ધરપકડ કરી તપાસ કરતાં મધ્યપ્રદેશના જાંબુવામાંથી દારૂનો જથ્થો મોકલવામાં આવ્યો હોવાનું ખુલ્યું છે.

સ્ટેટ મોનેટરીંગ સેલ દ્વારા હળવદ ધાંગધ્રા હાઈવે પર આવેલ સુખપર નજીક રામદેવ હોટલના પાર્કિંગમાં ટ્રકના ચોર ખાનામાં વિદેશી દારૂૂની બોટલો ભરેલ ટ્રક ની પાક્કી બાતમી હોય જે સંદર્ભે સ્ટેટ મોનેટરિંગ સેલ દ્વારા આ ટ્રકની પૂછપરછ કરતા તેમાંથી વિદેશી ઇંગ્લિશ દારૂૂની બોટલો નંગ 7440 રકમ 1104000 તેમજ મોબાઈલ કિંમત 5500 રોકડ રકમ 780 તેમજ ટ્રક ની કિંમત 15 લાખ કુલ મળી 26,10,280 નો મુદ્દા માલ સ્ટ્રેટ મોનેટરિંગ સેલ દ્વારા ઝડપી પાડવામાં આવ્યો હતો. ત્યારબાદ હળવદ પોલીસ મથકને મુદ્દા માલ તેમજ આરોપી સોંપવામાં આવ્યો હતો આરોપી અનિલ મંગુભાઈ મેડા રહેવાસી પીટોલ તાલુકો જામવા મધ્ય પ્રદેશ વાળા ને પકડી હળવદ પોલીસને સોંપવામાં આવ્યો તેમજ અન્ય ત્રણ આરોપી મહેશ નીનામા રહેવાસી સાજેલી (દારૂૂ મોકલનાર ), કૈલાશ રતનભાઇ ખરાડી રહેવાસી પીટોલ (દારૂૂ મોકલનાર ) તેમજ દારૂૂનો જથ્થો મંગાવનાર અન્ય એક આરોપી સહિતનાઓ સામે ગુનો નોંધી કાયદેસરની તપાસ હાથ ધરવામાં આવી હતી સ્ટેટ મોનેટરિંગ સેલના પીએસઆઇ એમ એચ સીનોલ દ્વારા આ કાર્યવાહી કરવામાં આવી હતી.