ફેસબુક પર જાહેરાત જોઈ લોન લેવા જતાં ટ્રાવેલ્સના ધંધાર્થીએ છ હજાર ગુમાવ્યા

• ગઠિયો ગૂગલ પેથી ચાર હજાર મેળવ્યા બાદ રૂબરૂ મળી બે હજાર ઉછીના લઈ ગયો!

સોશિયલ મીડિયા પર જાહેરાત જોઈ અને ખરીદી તેમજ લોન લેવા જતાં હોય તો ચેતી જજો અગાઉ સોશિયલ મીડિયા એપ પર જાહેરાત જોઈ લોન લેવા જતાં ઘણા લોકો છેતરાયા હોવાના બનાવ પોલીસ ચોપડે ચડી ચુક્યા છે. ત્યારે વધુ એક બનાવ બી ડીવીઝન પોલીસમાં નોંધાયો છે.

વધુ વિગતોનુસાર કુવાડવા રોડ પર ચિત્રકુટ સોસાયટીમાં રહેતા જયભાઈ અનિલભાઈ રાઠોડ નામનો 22 વર્ષનો યુવાને પોતાની ફરિયાદ સુરતના વારાછાના શ્યામ ગોહીલનું નામ આપ્યું છે. તેઓએ ફરિયાદમાં જણાવ્યું હતું કે, પોતે માં મેલડી નામે ટુર્સ એન્ડ ટ્રાવેલ્સનો ધંધો કરે છે તેઓને 28-1ના રોજ ફેસબુક એકાઉન્ટ પર શ્યામ ગોહિલ નામની આઈડી પર તપાસ કરતા તેમણે લોન માટે મળો અને મોબાઈલ નંબર હતો તેમનો સંપર્ક કરી રૂા. 2.50 લાખની પર્સનલ લોન લેવા જણાવતા શ્યામ ગોહીલે ડોક્યુમેન્ટ મેળવી રૂા. 4000 ગુગલ પે થી ટ્રાન્સફર કરાવ્યા હતાં ત્યાર બાદ 16-2ના રોજ સાંજે કુવાડવા રોડ પર ફર્ન હોટલ નજીક બોલાવી લોન બાબતે વાતો કરી રૂા. 2 હજાર ઉછીના લઈ ગયો હતો. જે બાદ તેમને લોન બાબતે અને પૈસા બાબતે પુછતા તેમણે કહ્યું કે, તારા પૈસા આપવા નથી તારે થાય તે કરી લેજે કહી ફોન કટ કરી નાખ્યો હતો આ મામલે પોલીસ મથકે પહોંચી રૂા. 6 હજારની છેતરપીંડી કર્યા બાદ જાણવા મળ્યું કે, આરોપી શ્યામ સુરતના વરાછાનો હોવાનું જાણવા મળતા પોલીસે આરોપીને સકંજામાં લેવા તજવીજ શરૂ કરી છે.