માળિયા મિયાણા નજીક 268 ચોરાઉ કોલસાના બાચકા સાથે શખ્સ ઝડપાયો

માળિયા મિયાણાના નવલખી પોર્ટ નજીક મોરબી એસઓજીની ટીમ પેટ્રોલિંગમાં હતી તે દરમિયાન બાતમી મળી હતી કે એક બોલેરો કારમાં ચોરાઉ કોલસાના જથ્થાની હેરાફેરી થતી હોય આ બાતમી આધારે એસઓજીની ટીમે વોચ ગોઠવી હતી અને 268 જેટલા કોથળામાં 23,360ની કિંમતનો 58 40 કિલો ચોરાઉ કોલસા સાથે બે શખ્સને ઝડપી લીધા હતા અને સ્થળ પરથી બોલેરો કાર, બોટ તેમજ ચોરાઉ કોલસા સહિત રૂૂ. 2 38 360ની કિંમતનો મુદામાલ જપ્ત કરી કાર્યવાહી હાથ ધરી હતી.

માળીયા મીયાણા તાલુકાના જુમ્મા વાડી વિસ્તાર પાસે બોલેરો કારમાં શંકાસ્પદ રીતે કોથળામાં ઇન્ડસ્ટ્રિયલ કોલસાની હેરાફેરી થતા હોવાની મોરબી એસઓજીની ટીમને બાપની મળી હતી આ બાતમીના આધારે એસોજીપીઆઈ એમપી પંડ્યા અને સ્ટાફ દ્વારા જુમાવાડી વિસ્તારમાં દરોડો પાડયો હતો અને બોલેરો કારની તપાસ કરતા તેમાંથી ઇન્ડસ્ટ્રિયલ કોલસા ભરેલા કોથળા મળી આવ્યા હતા. આ ઉપરાંત દરિયામાંથી બહાર કાઢવામાં આવેલી બોટની પણ તપાસ કરતા આ કોલસો ચોરીનો હોવાનું સામે આવતા એસોજીની ટીમે રૂૂ. 23,360ની કિંમતનો 5,840 કિગ્રાના 268 કોથળા કોલસો પકડી પાડ્યો હતો, આ ઉપરાંત રૂૂપિયા બે લાખની કિંમતની કાર 15000ની કિંમતની બોટ સહિત 2,38,360 ની કિંમતનો મુદ્દામાલ જપ્ત કર્યો હતો અને આ હેરાફેરી સાથે ઝડપાયેલા હારૂૂન સુલેમાન સાઈચા ઝફર ઓસમાણ પરારને ઝડપી લીધા હતા અને બંને આરોપીઓને માળિયા પોલીસ સ્ટેશન હવાલે કરતા માળિયા પોલીસ દ્વારા આરોપીઓ વિરુદ્ધ બીએનએસ કલમ 106 મુજબ આગળની કાર્યવાહી હાથ ધરેલ છે.