જામકંડોરણામાં ધારાસભ્ય જયેશ રાદડિયા દ્વારા ભવ્ય લોકડાયરો યોજાયો

• શાહી સમૂહલગ્નમાં નિષ્ઠાપૂર્વક કામગીરી કરનાર તમામ સ્વયંસેવકોને બિરદાવતા ધારાસભ્ય

જામકંડોરણા લેઉવા પટેલ કુમાર છાત્રાલય ખાતે સ્વયંસેવકોનું અભિવાદન તેમજ ભવ્ય લોક ડાયરાનું આયોજન કરવામાં આવ્યું હતું થોડા સમય પહેલા યોજાયેલ આઠમાં શાહી સમુહ લગ્નમાં જે સ્વયંસેવકોએ નિષ્ઠાપૂર્વક કામગીરી કરેલ તે બદલ યુવા ધારાસભ્ય જયેશભાઈ રાદડિયા દ્વારા તમામ સ્વયંસેવકોએ કરેલી કામગીરીને બીદાવતા કહ્યું હતું કે મારી સાચી તાકાત મારા ભાઈઓ તેમજ બહેનો એ જે જવાબદારી પૂર્વક કામગીરી કરી બતાવી હતી તે બદલ તમામ સ્વયંસેવકોને હું આભારી છું.

ડાયરામાં ધારાસભ્ય જયેશ રાદડિયા પર 500ની નોટોનો વરસાદ થયો હતો. ફરીદામીર તેમજ બ્રીજદાન ગઢવીના વિઠ્ઠલ વિઠ્ઠલ વિઠ્ઠલાના ગીત ઉપર વિઠ્ઠલભાઈ રાદડિયાના મિત્રો ભાવુક થયા હતા. ડાયરામાં ઉડેલી રકમ ગૌવંશ પાંજાપુરમાં આપવામાં આવી હતી.