ખીજડિયા બાયપાસ પાસે કારની કંપનીના રેકર્ડ રૂમમાં લાગેલી આગ

ફાયર વિભાગે મહામહેનતે આગ બુઝાવી

જામનગર રાજકોટ ધોરી માર્ગ પર ખીજડીયા બાયપાસ પાસે આવેલી ટાટા મોટર્સ ન્યુ કમલ ની ઓફિસના રેકર્ડ રૂૂમમાં મોડી સાંજે અકસ્માતે આગ લાગી હતી. જેથી ભારે દોડધામ થઈ હતી. આ બનાવ અંગે ફાયર બ્રિગેડને જાણ કરાતાં જામનગર મહાનગર પાલિકાની ફાયર શાખાની ટુકડી તાબડતોબ ઘટના સ્થળે દોડી ગઈ હતી, અને પાણીના ટેન્કર વડે આગ ને કાબુમાં લઈ લીધી હતી. પરંતુ તે પહેલા અંદર રાખવામાં આવેલું ફાઈલો સાથેનું તમામ રેકર્ડ બળીને ખાખ થયું હતું. આગનું ચોક્કસ કારણ જાણી શકાયું નથી.