જામનગરના ધુવાવમાં સગીરા સાથે દુષ્કર્મ કરનાર આરોપીને 20 વર્ષની સજા

રૂા. 6 લાખનું વળતર ચૂકવવા કોર્ટનો હુકમ

જામનગર નજીકના ધુવાવ ગામમાં રહેતી એક સગીરા સાથે દુષ્કર્મ આચરવાના ગુનામાં આરોપીને 20 વર્ષની કેદની સજા ફટકારવામાં આવી છે. આ ઘટના તા. 20/1/2021ના રોજ બની હતી જ્યારે આરોપી અબ્દુલ રહીમ હારુન બુખારીએ સગીરાને છેતરી પોતાની સાથે લઈ જઈ દુષ્કર્મ ગુજાર્યું હતું.

આ ઘટના અંગે સગીરાના પરિવારે પોલીસમાં ફરિયાદ નોંધાવતા પોલીસે તાત્કાલિક કાર્યવાહી કરી આરોપીની ધરપકડ કરી હતી. આ કેસ સ્પેશિયલ પોક્સો કોર્ટમાં ચાલ્યો હતો અને જજ એમ.કે. ભટ્ટે તમામ પુરાવાઓ અને દલીલોને ધ્યાનમાં લઈ આરોપીને દોષિત ઠેરવી 20 વર્ષની કેદની સજા ફટકારી છે. સાથે જ ભોગ બનનાર સગીરાને રૂૂ. 6 લાખનું વળતર ચૂકવવાનો આદેશ પણ કર્યો છે. સરકાર તરફથી આ કેસમાં વકીલ ભારતીબેન વાદી રોકાયા હતા. આ સજાથી સમાજમાં એક સકારાત્મક સંદેશો જશે અને આવા ગુના કરનારાઓને કાયદાના સામના કરવાની નોબત આવશે.