ઈતિહાસમાં પ્રથમ વખત સિયાચીન ગ્લેશિયર પર મેડિકલ ઓફિસર તરીકે મહિલાને કરાઈ તૈનાત, ભારતીય સેનાએ જાહેર કર્યો વીડિયો
કેપ્ટન ફાતિમા વસીમે સિયાચીન ગ્લેશિયર પર ઓપરેશનલ પોસ્ટ પર તૈનાત થનારી પ્રથમ મહિલા મેડિકલ ઓફિસર બનીને ઈતિહાસ રચ્યો છે. સિયાચીન બેટલ સ્કૂલમાં સખત તાલીમ મેળવ્યા પછી, તેમને 15200 ફૂટની ઉંચાઈ પર સ્થિત ઓપરેશનલ પોસ્ટ પર પોસ્ટ કરવામાં આવ્યા હતા.
કેપ્ટન ફાતિમા વસીમ બન્યા પ્રથમ મેડિકલ ઓફિસર
ભારતીય સેનાના ફાયર એન્ડ ફ્યુરી કોર્પ્સે સોશિયલ મીડિયા પ્લેટફોર્મ X પર કેપ્ટન ફાતિમા વસીમ સાથે સંબંધિત એક વીડિયો પણ શેર કર્યો છે. જેમાં લખ્યું હતું કે સિયાચીન વોરિયર્સની કેપ્ટન ફાતિમા વસીમ સિયાચીન ગ્લેશિયર પર ઓપરેશનલ પોસ્ટ પર તૈનાત થનારી પ્રથમ મેડિકલ ઓફિસર બની છે.
Capt Fatima Wasim of Siachen Warriors creates history by becoming the First Woman Medical Officer to be deployed on an operational post on the Siachen Glacier. She was inducted to a post at an altitude of 15,200 feet after undergoing rigorous training at Siachen Battle School… pic.twitter.com/E5SSNfZZh5
— ANI (@ANI) December 11, 2023
તેમણે કહ્યું કે, કેપ્ટન ફાતિમા વસીમની 15 હજાર ફીટ પર પોસ્ટિંગ તેમની અદમ્ય ભાવના અને ઉચ્ચ પ્રેરણાને દર્શાવે છે.
