વિસનગરમાં 15 વર્ષની સગીરા પર છ નરાધમોનો ગેંગરેપ

શનિવારે અપહરણ થયા બાદ પરિવારજનો શોધખોળ કરી રહ્યા હતા, સોમવારે ઘરે આવેલી પુત્રીની વાત સાંભળી પરિવારજનોના પગ નીચેથી જમીન સરકી ગઇ

છ શખ્સો સામે પોકસો, અપહરણ અને બળાત્કારનો ગુનો નોંધાયો, ગુનેગારોને પકડી કડક સજા અપાવવાની લોકોની માંગ

મહેસાણાના વિસનગર શહેરમાં એક અત્યંત સનસનાટીભર્યો અને ક્રૂર કિસ્સો સામે આવ્યો છે, જેને કારણે આખા શહેરમાં હડકંપ મચી ગયો છે. માનવતાને લજવનારી આ ઘટનામા માત્ર 15 વર્ષની એક સગીરા પર કુલ છ જેટલા શખ્સો દ્વારા અલગ-અલગ સ્થળોએ લઈ જઈને વારાફરતી સામૂહિક બળાત્કાર (દુષ્કર્મ) ગુજારવામાં આવ્યો હોવાનું બહાર આવ્યું છે. વિસનગરના ઇતિહાસમાં પ્રથમવાર આ બનાવ બન્યો છે.
પોલીસ ફરિયાદ મુજબ, આ જઘન્ય કૃત્યની શરૂૂઆત ગત 4 ઓક્ટોબર, શનિવારની રાત્રે થઈ હતી અને તે સોમવાર સુધી ચાલ્યું હતું.

4 ઓક્ટોબરની રાત્રે લગભગ 9:30 વાગ્યે સગીરા ચાલવા નીકળી હતી ત્યારે વિજય ઠાકોર અને પવન ઠાકોર નામના બે શખ્સો તેને સેવાલિયા રોડ પરની સુમસામ જગ્યાએ લઈ ગયા અને તેની પર દુષ્કર્મ આચર્યું. આ દરમિયાન રાજ ઠાકોર અને અન્ય એક શખ્સ પણ ત્યાં જોડાયા હતા.

ત્યારબાદ સગીરા ટાવર પાસેથી ઘરે જવા નીકળી, ત્યારે સોહમ ઠાકોર તેને એક્ટિવા પર બેસાડીને પવન ઠાકોરની ઓફિસે લઈ ગયો હતો. ત્યાં પવન ઠાકોર અને રાજ ઠાકોરે ફરીથી આ કૃત્ય આચર્યું હતું.

સોમવાર સુધી બંધક: અંતે, સોહમ ઠાકોર સગીરાને મોડી રાત્રે ઉતારીને જતો રહ્યો. તે આદર્શ સ્કૂલ તરફ ચાલીને જતી હતી ત્યારે પ્રકાશ મોદી અને અન્ય એક શખ્સ તેને ઘરે મૂકવાના બહાને લઈ ગયા. રસ્તામાં એક શખ્સ ઉતરી ગયા બાદ, પ્રકાશ મોદી તેને પોતાના ઘરે લઈ ગયો અને સોમવાર સુધી ત્યાં તેની પર દુષ્કર્મ ગુજાર્યું હતું.

છેલ્લા બે દિવસથી દીકરી ગુમ થતાં પરિવારજનો તેની સતત શોધખોળ કરી રહ્યા હતા. સગીરા સોમવારના રોજ ઘરે પરત ફર્યા બાદ, પરિવારજનો અને પોલીસે શાંતિથી પૂછપરછ કરી. મંગળવારના રોજ મોડી રાત્રે તેણીએ સમગ્ર હકીકત જણાવી, જે બાદ પરિવાર સહિત આખું શહેર સ્તબ્ધ થઈ ગયું.

સગીરાની હિંમતભરી ફરિયાદના આધારે, પોલીસે તાત્કાલિક કાર્યવાહી હાથ ધરી છે. પોલીસે પાંચ નામજોગ આરોપીઓ વિજય ઠાકોર, પવન ઠાકોર, રાજ ઠાકોર, સોહમ ઠાકોર, પ્રકાશ મોદી અને અન્ય એક અજાણ્યા શખ્સ મળી કુલ છ આરોપીઓ વિરુદ્ધ અપહરણ, બળાત્કાર અને પોક્સો (ઙઘઈજઘ ) એક્ટ હેઠળ ગંભીર ગુનો દાખલ કરીને વધુ તપાસ શરૂૂ કરી છે.

તમામ આરોપીઓને ઝડપી પાડવા માટે પોલીસે તપાસનાં ચક્રો ગતિમાન કર્યા છે. આ કાળઝાળ ઘટનાને પગલે વિસનગરમાં ગુનેગારોને તાત્કાલિક પકડીને કડકમાં કડક સજા આપવાની માંગ ઉગ્ર બની છે.