ખારચિયા ગામે વાડીમાં ચાલતા જુગારધામ ઉપર પોલીસનો દરોડો: 7 શખ્સો ઝબ્બે

શહેરની ભાગોળે ભાવનગર હાઇવે પર આવેલા ખારચીયા ગામે વાડીમાં ચાલતા જુગારધામ ઉપર પોલીસે દરોડો પાડી પત્તા ટીંચતા સાત શખ્સોને રૂા.32650ની રોક્ડ સાથે ઝડપી પાડી ધોરણસરની કાર્યવાહી હાથ ધરી છે.
જાણવા મળતિ વિગત મુજબ આજીડેમ પોલીસ મથકના પીએસઆઇ એ.જે.પરમાર સહિતનો સ્ટાફ પેટ્રોલીંગમાં હતો. દરમિયાન ખારચીયા ગામે રહેતો ભાવેશ મીઠાભાઇ સગપરીયા ખારચીયા ગામની સીમમાં આવેલી પોતાની વાડીમાં જુગારધામ ચલાવતો હોવાની બાતમીના આધારે પોલીસે દરોડો પાડ્યો હતો.

જેમાં પત્તા ટીંચતા ભાવેશ સગપરીયા ઉપરાંત અશોક નાગજીભાઇ પરમાર, નિર્મળસિંહ સુખુભા જાડેજા, મોહિત વજુભાઇ ગુજરીયા, ધર્મેશ મનસુખભાઇ ઢાંકેચા, અક્ષય ધીરૂભાઇ કાશીપરા અને રણછોડ ધીરૂભાઇ ભુવાને ઝડપી પાડી પટ્ટમાંથી રૂા.32600ની રોક્ડ કબ્જે કરી ધોરણસરની કાર્યવાહી હાથ ધરી છે.