ચોરડી ગામે વેરહાઉસમાંથી નાફેડની 7.49 લાખની મગફળીની ચોરી

આઇસર લઇ આવેલા તસ્કરો ગોડાઉનનાં તાળાં તોડી 287 બોરી મગફળી ચોરી ગયા

ચોરીની સમગ્ર ઘટના સીસીટીવીમાં કેદ, ગુનો નોંધી તપાસનો ધમધમાટ

ગોંડલના ચોરડી ગામે આવેલ વેર હાઉસમાંથી નાફેડની રૂૂ.7.49 લાખની મગફળીની 287 બોરીની ચોરી થતાં ચકચાર મચી ગઈ હતી.વધુ વિગતો અનુસાર,હાલ ગોંડલ ગુંદાળા ચોકડી પાસે રામકૃષ્ણ સોસાયટીમાં રહેતાં અરવીંદભાઈ રામકેશભાઈ મીણા (ઉ.વ.30) એ નોંધાવેલ ફરીયાદમાં જણાવ્યું હતું કે, તેઓ ગોંડલ તથા જસદણમા કેન્દ્રીય ભંડારણ નીગમમાં સહાયક તરીકેના હોદા પર ફરજ બજાવે છે.આ કંપની ભારત ભરમાં અલગ અલગ જગ્યાએ વેરહાઉસ(ગોડાઉન) ઉભા કરી, અલગ અલગ વ્યક્તિઓ તથા પેઢીઓના માલ ગોડાઉનમા ભાડા પેટે સંગ્રહ કરી રાખતા હોય છે. તેઓની હેઠળ જસદણ તથા ગોંડલમાં મળીને કુલ 120 વેરહાઉસ(ગોડાઉન) છે.

તે પૈકી ગોંડલ તાલુકાના ચોરડી ગામે 139/2 પૈકી 1 માં આવેલ પ્લોટ નંબર 7 તથા 8 માં હરસિધ્ધી કેટરફીડ નામનુ ગોડાઉન કંપનીએ 11 મહીનાના ભાડા પેટે રાખેલ છે. આ ગોડાઉનમાં નાફેડ દ્રારા મગફળીની ખરીદી કરીને ભરેલ હતી. આ ગોડાઉનમાં સુપરવાઈઝર તરીકે વિરપુરના રવીભાઈ મકવાણા, સીક્યુરીટી તરીકે ગોમટાના પ્રજ્ઞેશભાઈ દઢાણીયા અને વિરપુરના પ્રફુલભાઈ ચાવડા, જીવરાજભાઈ ચાવડા નોકરી કરે છે. તેઓની કંપનીની મેઇન ઓફીસ અમદાવાદમાં આવેલ છે.

ગોંડલ તાલુકાના ચોરડી ગામે આવેલ ગોડાઉનમા તા.11/02/2025 થી તા.14/02/2025 દરમ્યાન નાફેડ કંપની દ્રારા મગફળીની ખરીદી કરી કુલ મગફળીની બોરી નંગ- 15876 ભરેલ હતી. જે એક બોરીમાં વજન 35 કિલો હોય છે. તેઓએ ભાડે રાખેલ ગોડાઉનમાં નાફેડ દ્રારા મગફળી મુકવામાં આવેલ ત્યારથી જવારદારી તેઓની રહેતી હોય છે.

કંપની દ્રારા ગોડાઉન ઉપર સીકયુરીટી તથા સુરપવાઇઝર તેમજ એરીયા મેનેજર રાખવામાં આવતા હોય છે. ગઇ તા.21/04/2025 ના તેઓ ઘરે હતાં ત્યારે કંપનીના સુપર વાઇઝર રવીભાઈ મકવાણાએ ફોન કરી જણાવેલ કે, ચોરડી ગામે આવેલ ગોડાઉનના દરવાજાના તાળુ તુટેલ છે અને બહાર મગફળી ઢોળાયેલ હોય તેવી જાણ કરતાં તેવો ગોડાઉન પર પહોંચેલ ત્યારે ત્યાં સીકયુરીટી સહિતનો સ્ટાફ હાજર હતો અને ગોડાઉન પર જોયેલ તો દરવાજાનુ તાળુ તુટેલ હતુ. મગફળી ગોડાઉન બહાર ઢોળાયેલ દેખાતી હતી જેથી ગોડાઉનમાંથી મગફળીની ચોરી થયેલ હોવાનુ સામે આવ્યું હતું.

ફરિયાદીએ ઉપરી અધિકારીને જણાવી ગોડાઉનમાં કુલ સાત સ્ટેગ (બોરીઓના થપ્પા ) હોય જે ચેક કરતા 287 મગફળીની બોરીઓની ચોરી થયેલાનું જણાયેલ આવેલ હતું.જે એક બોરીની કિંમત રૂૂ.2610 હોય તેઓએ સીકયુરીટી તથા અન્ય લોકોની પુછપરછ કરી હતી.આ બનાવ બાબતે સુપરવાઈઝર રવીભાઈ મકવાણાને પુછતા તેઓએ કહેલ કે, ગઇ તા.19 ના હરસિધ્ધી કેટરફીડ ગોડાઉન પર આવ્યો હતો.સાંજના સાડા છએક વાગ્યે ગોડાઉન બંધ કરી તાળુ મારી ઘરે જતો રહેલ હતો, આ વખતે ગોડાઉનમાં રહેલ સાતેય સ્ટેગની બોરીઓ બરાબર હોવાનુ જણાવેલ જેથી તા.19 થી તા.21 ના સવારના દરમ્યાન ચોરી થયેલ હોય.જેથી કુલ રૂૂ.7.49 લાખની મગફળી ભરેલ બોરીઓની ચોરી થતાં ફરીયાદ નોંધાવી હતી. બનાવ અંગેની ફરીયાદ પરથી ગોંડલ તાલુકા પોલીસે ગુનો નોંધી સીસીટીવીના આધારે તસ્કરોને પકડવા ચક્રો ગતિમાન કર્યા હતા.