બિહામાં જેડીયુ નેતાની હત્યા, આરોપી રફૂચક્કર: કેન્દ્રીય મંત્રી માંઝીની પૌત્રીને ગોળી ધરબી દેતો પતિ

બિહારમાં પારિવારીક વિવાદની બે અલગ અલગ ઘટનાઓમાં જેડીયુ ધારાસભ્યની ભત્રીજી અને પક્ષના મહામંત્રી અને કેન્દ્રીય મંત્રી જીતનરામ માંઝીની પૌત્રીની હત્યા થઇ છે. પ્રથમ બનાવમાં ખાગરિયા જિલ્લાના બેલદૌરથી જેડીયુ ધારાસભ્ય પન્નાલાલસિંહ પટેલના ભત્રીજા કૌશલસિંહ (50)ની બુધવારે સાંજે બદમાશોએ ગોળી મારીને હત્યા કરી દીધી હતી. આ ઘટના ચૌથમ પોલીસ સ્ટેશન વિસ્તાર હેઠળના પુરબી ટોલા કેથી અને જયપ્રભા નગરની વચ્ચે સ્થિત વેરહાઉસ નજીક બની હોવાનું કહેવાય છે. મૃતકની ઓળખ 50 વર્ષીય કૌશલસિંહ તરીકે થઈ છે, જે ચૌથમ પોલીસ સ્ટેશન વિસ્તાર હેઠળના મેદિની નગરના રહેવાસી છે. મૃતક કૌશલ સિંહ હાલમાં જેડીયુમાં જિલ્લા મહાસચિવનું પદ સંભાળી રહ્યા હતા.

ઘટના અંગે જણાવવામાં આવી રહ્યું છે કે કૌશલ સિંહ તેની પત્ની સાથે બાઇક પર કેથીથી વેરહાઉસ ગયો હતો. તેમનું વેરહાઉસ પૂર્વ તોલા કેથી અને જય પ્રભાનગર વચ્ચે ગઇં 107 ની બાજુમાં છે. મૃતકની પત્નીના જણાવ્યા અનુસાર, તે જ સમયે કૌશલ સિંહનો ભત્રીજો આવ્યો અને તેને ગોળી મારી દીધી. ગોળી કૌશલ સિંહને મંદિર પર વાગી હતી. આ પછી ગોળી ચલાવનાર વ્યક્તિ ત્યાંથી ભાગી ગયો હતો. ઘટના બાદ ઘાયલ કૌશલ સિંહને શહેરની નેક્ટર હોસ્પિટલમાં લઈ જવામાં આવ્યો હતો. જ્યાં તબીબોએ તેને મૃત જાહેર કર્યો હતો. પોલીસે આ હત્યા પાછળ પારિવારીક વિખવાદ હોવાનું જણાવ્યું છે.

બીજા બનાવમાં અતરી પોલીસ સ્ટેશનના ટેટુઆ ટાડ પર બુધવારે સવારે લગભગ નવ વાગ્યે કેન્દ્રીય મંત્રી જીતન રાન માંઝીની પૌત્રીની ધોળાદહાડે ગોળી મારી હત્યા કરવામાં આવી હતી. આ ગોળી તેના જ પતિએ મારી હતી. આરોપી પતિ હાલ ફરાર છે.

એમએસએમઈના કેન્દ્રીય મંત્રીની પૌત્રીની હત્યા બાદ તેની નાની બહેન હેતબાઈ ગઈ હતી. મૃતક સુષ્મા કુમારી ટેટુઆ પંચાયતની વિકાસ મિત્ર હતી. તેને સામુદાયિક સ્વાસ્થ્ય કેન્દ્રમાં ખસેડવામાં આવી હતી.

જ્યાં ડોક્ટર્સે તેને મૃત જાહેર કરી હતી. સમગ્ર ઘટનાની સૂચના મળતાં અતરી પોલીસ સ્વાસ્થ્ય કેન્દ્ર પહોંચી હતી. પોલીસે આરોપીની ધરપકડ માટે તપાસ હાથ ધરી છે. શબને પોસ્ટમોર્ટમ માટે મગધ મેડિકલ કોલેજમાં ખસેડવામાં આવ્યું છે. હત્યામાં વપરાયેલ બંદૂક જપ્ત કરવામાં આવી છે.

પોલીસે જણાવ્યું હતું કે, સુષ્મા દેવી (ઉ.વ. 32)નો પતિ રમેશ સિંહ બુધવારે ઘરે પરત ફર્યો હતો. તે ઘરે આવી સુષ્માને જબરદસ્તીપૂર્વક રૂૂમમાં ઢસેડી ગયો હતો. અને રૂૂમ બંધ કરી દીધો હતો. બાદમાં ઝઘડો કરી સુષ્માની છાતી પર ગોળી ધરબી દીધી હતી. જ્યાં સુષ્માનું ઘટના સ્થળે જ મોત નીપજ્યું હતું. અમે એફએસએલ અને ટેક્નિકલ સેલની મદદ સાથે તપાસ હાથ ધરી છે.

મૃતકની બહેન પુનમ કુમારીએ જણાવ્યું હતું કે, રમેશ બહારથી આવ્યો અને મારી બહેનને રૂૂમમાં ઢસેડીને લઈ ગયો. ત્યાં રૂૂમ બંધ કરી તેને ગોળી મારી બહાર આવ્યો અને ફરાર થઈ ગયો. તેને આકરી સજા થવી જોઈએ. રમેશ મારી બહેન પર શંકા કરતો હતો. જેના લીધે અવારનવાર તેની સાથે ઝઘડા કરતો હતો. જો કે, પોલીસે હત્યા પાછળના કારણ મુદ્દે હાલ કોઈ સ્પષ્ટતા કરી નથી.