વેરાવળમાં ઘરમાં ઘુસી આઠ વર્ષની બાળકી સાથે અડપલા, આરોપી ઝડપાયો

પાણી પીવાના નામે ઘરમાં ઘુસી આચરેલું કૃત્ય

વેરાવળમાં આઠ વર્ષીય માસુમ દિકરી ઘરે એકલી હતી ત્યારે એક શખ્સે ઘરનો દરવાજો ખખડાવતા ખોલતા તે અંદર આવેલ અને પાણી પીને કહેલ કે તારૂૂ ઘર બતાવ તેમ કહી બળજબરીથી શારીરીક અડપલા કર્યા હોવાનો બનાવ પોલીસ માં નોંધાતા પોલીસે આરોપીની ધરપકડ કરી ઘોરણસરની કાર્યવાહી હાથ ધરી છે.

વેરાવળમાં બનેલ ચકચારી બનાવની પોલીસમાંથી પ્રાપ્ત વિગતો અનુસાર ચારેક દિવસ પહેલા વેરાવળમાં માતા-પિતા નૌકરી ઉપર ગયેલ હોવાથી તેમની આઠ વર્ષીય માસુમ દિકરી ઘરે એકલી હતી. દરમ્યાન સાંજે સાતેક વાગ્યે માતા ઘરે આવેલ ત્યારે દિકરી ગભરાયેલી જોવા મળી હતી. જેથી તેણીને પુછતા કહેલ કે, સાંજે સાડા છ એક વાગ્યે એક ભાઈએ ખખડાવતા દરવાજો ખોલતા ત્યારે તે અંદર આવેલ અને પાણી માંગતા તેને પાણી આપેલ અને પાણી પીને કહેલ કે તારૂૂ ઘર બતાવ તેમ કહી અંદર આવીને રૂૂમમાં બળજબરીથી લઈ જઈ શારીરીક અડપલા કર્યા હતા. બાદમાં આ વાત કોઈને કરતી નહીં બાકી તારી માતાની નૌકરી જતી રહેશે તેવી ધમકી આપી જતો રહ્યો હતો.

આ સમગ્ર હક્કીત સાંભળી ચોકી ઉઠેલ માતાએ તેના પતિ સાથે વાતચીત કરીને પોલીસને જાણ કરી હતી. આ મામલે પોલીસે બીએનએસની કલમ 75(1), 76, 351(2) અને પોસ્કોની 12, 18 હેઠળ ગુનો આરોપીની શોધખોળ માટે તપાસ હાથ ધરી હતી. જેમાં ઘટના સ્થળની આસપાસના સીસીટીવી ફુટેજો ચકાસતા આરોપી જોવા મળેલ હતો. જેના આધારે આરોપી આદીલ આયુબ ચૌહાણની ધરપકડ કરી ઘોરણસરની કાર્યવાહી હાથ ધરી હતી. પકડાયેલ આરોપી અગાઉ પણ એક વખત દિકરીને શિકાર બનાવી અડપલાના ગુનામાં ઝડપાયો હોવાનું જાણવા મળેલ છે.