સુરતમાં બોગસ ટર્મલોન લેનાર કોલ્ડ સ્ટોરેજના ભાગીદારોને ત્યાં EDના દરોડા
એન્ફોર્સમેન્ટ ડિરેક્ટોરેટ (ED) ના અમદાવાદ ઝોનલ ઓફિસે મંગળવારે જણાવ્યું હતું કે તેણેPMLA સ્પેશિયલ કોર્ટ સમક્ષ પ્રિવેન્શન ઓફ મની લોન્ડરિંગ એક્ટ (PMLA) ની જોગવાઈઓ હેઠળ સુરતના મેસર્સ એવોન કોલ્ડ સ્ટોરેજ પ્રાઇવેટ લિમિટેડના કેસમાં ફરિયાદ દાખલ કરી છે.
એક નિવેદનમાં ઇડીએ જણાવ્યું હતું કે તેણે સેન્ટ્રલ બ્યુરો ઓફ ઇન્વેસ્ટિગેશન (CBI) અને એન્ટી કરપ્શન બ્યુરો (ACB), ગાંધીનગર દ્વારા નોંધાયેલી FIR ના આધારે મેસર્સ એવોન કોલ્ડ સ્ટોરેજ પ્રાઇવેટ લિમિટેડ, તેના ડિરેક્ટરો અને અન્ય ખાનગી વ્યક્તિઓ અને જાહેર સેવકો સામે તપાસ શરૂૂ કરી છે. આ ફરિયાદમાં આરોપ મૂકવામાં આવ્યો છે કે આરોપીઓએ ગુનાહિત કાવતરું ઘડીને રેકોર્ડ ખોટા કરીને અને ખોટા/બનાવટી દસ્તાવેજો પૂરા પાડીને, અપ્રમાણિક રીતે લોન સુવિધાનો લાભ લઈને યુનિયન બેંક ઓફ ઇન્ડિયા (UBI) સાથે છેતરપિંડી કરી હતી.
ઇડીએ દાવો કર્યો હતો કે તેની તપાસમાં જાણવા મળ્યું છે કે મેસર્સ એવોન કોલ્ડ સ્ટોરેજ પ્રાઇવેટ લિમિટેડ દ્વારા યુનિયન બેંક પાસેથી ટર્મ લોન સુવિધા લેવામાં આવી હતી, કારણ કે કથિત રીતે બીજી કંપની પાસેથી બોગસ પ્રોફોર્મા ઇન્વોઇસ તૈયાર કરવામાં આવ્યા હતા.
સુરતના રમેશ દુધાત અને સતિષ માવાણીએ આ ક્રેડિટ સુવિધાઓ કોલ્ડ સ્ટોરેજ યુનિટ સ્થાપવા માટે પ્લાન્ટ અને મશીનરી ખરીદવા માટે આપવામાં આવી હતી. જોકે, તે રકમનો ઉપયોગ તે હેતુ માટે કરવામાં આવ્યો ન હતો. ટર્મ લોનને વિવિધ સંસ્થાઓ દ્વારા ફરીથી રૂૂટ કરવામાં આવી હતી અને 3.92 કરોડ રૂૂપિયા રોકડમાં ઉપાડવામાં આવી હતી, જેનાથી કોઈ મની ટ્રેલ બાકી રહ્યો ન હતો. લોન કરારમાં જણાવેલ હેતુઓ સિવાયના હેતુઓ માટે ભંડોળનો ઉપયોગ કરવામાં આવ્યો હતો.
