બગસરાના જુના વાઘણિયા ખાતે ખેડૂત પરિવાર પર ઉપર હુમલો

ખેતરમાં મગફળી ઉપાડતી વખતે બનેલો બનાવ

બગસરા તાલુકાના જુના વાઘણીયા ગામે ખેડૂત પરિવાર પર ત્રણ લોકો દ્વારા હુમલો કરવામાં આવતા આ બાબતે પોલીસ ફરિયાદ નોંધવામાં આવી છે. મળેલ વિગત મુજબ બગસરા તાલુકાના જુના વાઘણીયા ગામે ખેતરમાં કામ કરી રહેલા હરિભાઈ પ્રેમજીભાઈ ગઢીયા ઉંમર વર્ષ 55 પોતાના ખેતરમાં માંડવી ઉપાડવા કામ કરી રહેલા હતા તેવા સમયે જુના વાઘણીયા ના હસમુખભાઈ ગઢીયા, ભરતભાઈ ગઢીયા, જયંતીભાઈ ગઢીયા રસ્તા બાબતે બોલાચાલી કરી, ગાળો દેવા લાગ્યા આ બાબતે પ્રેમજીભાઈ ગઢીયા તેમને રોકતા તેમના પર લોખંડના હથિયાર વડે માથાના ભાગે તથા પીઠના ભાગે ઇજા પહોંચાડેલ. બનાવને પગલે ખેતરમાં રહેલ તેમની દીકરીઓ આરતીબેન તથા કિરણબેન આવતા તેમને પણ ઢીકા પાટુનો માર મારેલ જેને પગલે તેમને બગસરા સિવિલ હોસ્પિટલ તથા બાદમાં અમરેલી સિવિલ ખાતે રિફર કરવામાં આવેલ છે આ ઘટનાની પોલીસ દ્વારા ફરિયાદ નોંધે તપાસ હાથ ધરવામાં આવેલ છે.