કોણ બનશે નવા NSA ? દોભાલનો કાર્યકાળ પૂર્ણ

રાષ્ટ્રીય સુરક્ષા સલાહકાર (NSA) અજીત ડોભાલની નિવૃત્તિ પછી, કેબિનેટની નિમણૂક સમિતિએ નવા NSA શોધવા માટેના એજન્ડા પર કામ કરવાનું શરૂૂ કર્યું છે. સરકારી સંસ્થાના સૂત્રોએ જણાવ્યું હતું કે ડોભાલે અગાઉથી જ વડા પ્રધાન નરેન્દ્ર મોદીને ટોચના પદ પર કાર્યરત રહેવાની તેમની અનિચ્છા જણાવી દીધી છે. ડોભાલની વિદાય પછી, નવા NSA તરીકે કોણ કાર્યભાર સંભાળશે તે સરકાર માટે એક મોટો મુદ્દો બની ગયો છે.
જે નામો ચર્ચામાં છે તેમાં ઈન્ટેલિજન્સ બ્યુરોના ભૂતપૂર્વ ડિરેક્ટર અને તમિલનાડુના ગવર્નર આરએન રવિ, વિદેશ મંત્રી એસ જયશંકર અને ભૂતપૂર્વ RAW ચીફ આલોક જોશી છે. 3 જૂનના રોજ, ડોભાલે નરેન્દ્ર મોદીની આગેવાની હેઠળની કેન્દ્ર સરકાર સાથે જોડાયેલા NSA તરીકે 10 વર્ષ પૂર્ણ કર્યા. તેમના કાર્યકાળ દરમિયાન ડોભાલને કેબિનેટ મંત્રીનો દરજ્જો આપવામાં આવ્યો હતો.

NSA હંમેશા રાષ્ટ્રીય સુરક્ષા નીતિ અને આંતરરાષ્ટ્રીય બાબતો પર ભારતના વડા પ્રધાનના મુખ્ય સલાહકારની ભૂમિકા ભજવે છે. NSAને ભારતના આંતરિક અને બાહ્ય જોખમો અને તકો સંબંધિત તમામ બાબતો પર વડા પ્રધાનને નિયમિતપણે સલાહ આપવાનું કાર્ય સોંપવામાં આવ્યું છે. NSA સરકાર વતી વ્યૂહાત્મક અને સંવેદનશીલ મુદ્દાઓ પર પણ દેખરેખ રાખે છે. NSA તમામ એજન્સીઓ (RAW, IB, NTRO, MI, DIA, NIA સહિત) પાસેથી ગુપ્ત માહિતી મેળવે છે અને તેને વડાપ્રધાન સમક્ષ રજૂ કરે છે.

19 નવેમ્બર, 1998 ના રોજ પોસ્ટની સ્થાપના થઈ ત્યારથી નિમણૂક કરાયેલા તમામ NSAત કાં તો ભારતીય વિદેશ સેવા (IFS) અથવા ભારતીય પોલીસ સેવા (IPS)થી સંબંધિત છે. સંયુક્ત રાષ્ટ્રમાં સ્થાયી પ્રતિનિધિ અને તત્કાલિન વડાપ્રધાન અટલ બિહારી વાજપેયીના મુખ્ય સચિવ રહેલા બ્રજેશ મિશ્રાની પ્રથમ રાષ્ટ્રીય સુરક્ષા સલાહકાર તરીકે નિમણૂક કરવામાં આવી હતી. મિશ્રા પછી, જેએન દીક્ષિત, તત્કાલીન વિદેશ સચિવ અને IFS અધિકારી, બીજા NSA બન્યા, ત્યારબાદ MK નારાયણન અને શિવશંકર મેનન. ડોભાલને 30 મે, 2014 ના રોજ NSA તરીકે નિયુક્ત કરવામાં આવ્યા હતા, જ્યારે વડા પ્રધાન નરેન્દ્ર મોદીએ ચાર્જ સંભાળ્યો હતો.