વિરાટ કોહલીનો અનુભવ, હાર્દિક પંડ્યાનું ફોર્મ પસંદગી માટે માપદંડ

શિવમ દુબે ઓલરાઉન્ડર, રિંકુ સિંહ કોમ્બિનેશનના કારણે કપાયો, વર્લ્ડ કપ ટીમની પસંદગી બાબતે અગરકરની ખુલીને વાત

ટી20 વર્લ્ડ કપ 2024 માટે ભારતીય ટીમની જાહેરાત બાદ કેપ્ટન રોહિત શર્મા અને મુખ્ય પસંદગીકાર અજીત અગરકરે પ્રેસ કોન્ફરન્સમાં ઘણા સવાલોના જવાબ આપ્યા. તેણે ઘણા મોટા ખુલાસા કર્યા છે, જેમાં હાર્દિક પંડ્યાના ફોર્મથી લઈને રિંકુ સિંહને 15 ખેલાડીઓની ટીમમાં પસંદ ન થવાનો સમાવેશ થાય છે.

હાર્દિક પંડ્યાના ખરાબ ફોર્મ છતાં તેની પસંદગી અંગે અજીત અગરકરે કહ્યું કે, હાર્દિક પંડ્યા ઈજાના કારણે લાંબા બ્રેકમાંથી પાછો ફર્યો છે અને મુંબઈ ઈન્ડિયન્સ માટે રમાયેલી તમામ મેચોમાં તે ખૂબ જ ફિટ દેખાઈ રહ્યો છે. મને નથી લાગતું કે અન્ય કોઈ ખેલાડી જે ભૂમિકા ભજવે છે તે ભજવી શકે. તેમના માટે ફિટ રહેવું જરૂૂરી છે.

શિવમ દુબેની બોલિંગ પર કેપ્ટન રોહિત શર્માએ કહ્યું, દુર્ભાગ્યવશ શિવમ દુબેએ આઈપીએલ 2024માં એક પણ ઓવર ફેંકી નથી, પરંતુ તે એક ઉત્તમ ઓલરાઉન્ડર છે, જે રેડ બોલ ક્રિકેટમાં નિયમિતપણે બોલિંગ કરે છે. તેથી શિવમ અને હાર્દિક પણ વર્લ્ડ કપમાં બોલિંગ કરશે.

વિરાટ કોહલીના સ્ટ્રાઈક રેટ અંગે અગરકરે કહ્યું કે, વિરાટ કોહલીના સ્ટ્રાઈક રેટને લઈને પસંદગીકારો વચ્ચે કોઈ ચર્ચા થઈ નથી. આઈપીએલમાં તેનું ફોર્મ શાનદાર રહ્યું છે. અમે તેના સ્ટ્રાઈક રેટથી ચિંતિત નથી.

કેએલ રાહુલને ટીમમાં સ્થાન ન મળવા પર અજીત અગરકરે કહ્યું, રાહુલ હાલમાં ટોપ ઓર્ડરમાં બેટિંગ કરી રહ્યો છે, પરંતુ અમે એવા વિકેટકીપરની શોધમાં હતા જે મિડલ ઓર્ડરમાં બેટિંગ કરી શકે. અમારું માનવું છે કે સંજુ સેમસન નીચેના ક્રમમાં બેટિંગ કરી શકે છે. તે બધું ખાલી સ્લોટ પર આધારિત હતું. આ કારણે રિષભ પંત અને સંજુ સેમસનની પસંદગી કરવામાં આવી છે.

રિંકુ સિંહને 15 ખેલાડીઓની ટીમમાંથી બહાર રાખવા પર અગરકરે કહ્યું કે, આ સૌથી મુશ્કેલ નિર્ણય હતો. આને રિંકુ સિંહ સાથે કોઈ લેવાદેવા નથી, બલ્કે કોમ્બિનેશનના કારણે તેની પસંદગી થઈ શકી નથી. અમને લાગ્યું કે બે લેગ સ્પિન બોલર રોહિત માટે બોલિંગના વધુ વિકલ્પો ખોલશે. તે રિઝર્વ ખેલાડીઓમાં સામેલ છે અને 15 ખેલાડીઓની ટીમમાં આવતા-આવતા રહી ગયો.

વિરાટ કોહલીની ઓપનિંગ અંગે રોહિત શર્માએ કહ્યું કે, ઓપનિંગ જોડી ત્યારે જ ઉપલબ્ધ થશે જ્યારે અમે પિચ અને કંડીશનની ચકાસણી કરીશું.

રોહિત શર્માએ કહ્યું, અમારો ટોપ ઓર્ડર સારું પ્રદર્શન કરી રહ્યો છે. અમને એવા ખેલાડીઓની જરૂૂર હતી જે મિડલ ઓર્ડરમાં આવીને હિટ કરી શકે, તેથી જ અમે શિવમ દુબેની પસંદગી કરી છે. અમે શિવમને તેના આઈપીએલ પ્રદર્શનના આધારે પસંદ કર્યો છે. આ પહેલા પણ તેણે ઘણી મેચોમાં શાનદાર પ્રદર્શન કર્યું હતું. પ્લેઈંગ ઈલેવનને લઈને અત્યારે કોઈ ગેરંટી નથી. અમે ત્યાં જઈશું, સ્થિતિ ચકાસીશું અને પછી પ્લેઈંગ ઈલેવન તૈયાર કરીશું.

ોહિત શર્માએ બોલિંગ આક્રમણ વિશે કહ્યું કે, મને 4 સ્પિન બોલરો જોઈતા હતા. મેચો કદાચ સવારે 10 વાગ્યે શરૂૂ થશે. તેથી, કદાચ ટેકનિકલ આધાર પર, 4 સ્પિન બોલર અમારા માટે મદદરૂૂપ થઈ શકે છે.