For the best experience, open
https://m.gujaratmirror.in
on your mobile browser.
Advertisement

તળાજા પંથકમાં પાણી-રસ્તા મામલે મતદાન બહિષ્કારની ચીમકી આપતા ગ્રામજનો : ઉગ્રરોષ

11:56 AM Apr 20, 2024 IST | Bhumika
તળાજા પંથકમાં પાણી રસ્તા મામલે મતદાન બહિષ્કારની ચીમકી આપતા ગ્રામજનો   ઉગ્રરોષ

જિલ્લાના તળાજા તાલુકાના પાદરી (ભં) ના લોકોએ રસ્તા બાબતે અને સોસિયા શિપ બ્રેકીંગ યાર્ડના પ્લોટ નં.147 સામે શ્રમિકોને માટે બંધ પડેલ પાણીના સ્ટેન્ડ શરૂૂ નહીં કરવામાં આવેતો મતદાન નો બહિષ્કારની ચીમકી ઉચ્ચારવામા આવી છે.

Advertisement

ભાવનગર જિલ્લાના તળાજા તાલુકાના અલંગ નજીકના દસેક ગામડાઓના ખેડૂતોએ ટી.પી. સ્કીમના વિરોધમાં બોલાવેલ સંમેલનમા ટી.પી સ્કીમ નાબૂદ કરવામાં નહિ આવેતો મતદાન નો બહિષ્કાર ની ચીમકી આપ્યા બાદ ધારડી ગામના લોકોએ શાળાના ઓરડા બનાવવાની માગ સંતોષવા નહિ આવેતો મતદાન થી અળગા રહેવામાં આવશે નું આવેદનપત્ર આપ્યા બાદ આજે પાદરી(ભં) ગામના લોકોએ રસ્તાના મામલે ગામના ધૂળિયા રસ્તાપર પ્રદર્શન કરેલ.આગેવાનો એ આક્રોશ સાથે કહ્યું હતુંકે ચાર વર્ષથી ખરાબ રસ્તા ને કારણે પરેશાન થઈએ છીએ.સત્તા સ્થાને રહેલ લોક પ્રતિનિધિ અને અધિકારીઓ બંને ને વારંવાર રજુઆત કરવા છતાંય આજ સુધી કોઈજ પરિણામ ન મળતા આખરે મતદાનનો બહિષ્કારની ચીમકી આપવી પડીછે.

અલંગ સોસિયા શિપ બ્રેકીંગ યાર્ડ ખાતે શ્રમિકો માટે લડત આપતા સુખદેવસિંહ ગોહિલ એ મેરિટાઇમ બોર્ડમાં રજુઆત કરી છેકે પ્લોટ 147 સામે મજૂરો ને પીવા અને વાપરવા માટે દરરોજ બે કલાક પાણી આપવામાટે સ્ટેન્ડ ખોલવામાં આવેલહતું.એ સ્ટેન્ડ તોડી પાડવામાં આવ્યું છે.જેના કારણે મજૂરોને એક તરફ મંદી અને બેરોજગારી નો પ્રશ્ન સતાવી રહ્યો છે ત્યાં હવે પાણી પણ વેચાતું લેવું પડે તેવી સ્થિતિ નિર્માણ થઈ છે.મેરીટાઈમ બોર્ડ ને પગલાં લેવા નો આદેશ છતાંય કોઈજ કાર્યવાહી ન થતા બુથ મા આવતા મતદારો મતદાન થી અળગા રહશે.આમ તળાજા પંથકમા ટી.પી સ્કીમ,શિક્ષણ, રસ્તા અને પાણીના મામલે મતદાન નો બહિષ્કાર ની ચીમકીઓ ઉચ્ચારવામા આવી છે.

Advertisement

તંત્ર ઉપર કોઈ જ અસર નહિ!

ધારડી ગામના આગેવાન જયરાજસિંહ એ જણાવ્યું હતુ કે શાળાના ઓરડા ની માગ નહિ સંતોષવામા આવે તો ગામ સમસ્ત દ્વારા મતદાન કરવામાં નહિ આવે ની એક મહિના પહેલા ડે. કલેક્ટર ને રૂૂબરૂૂ મળી લેખિત મૌખિક રજુઆત કરવામા આવી હતી.જેની આજ સુધી કોઈજ ફલશ્રુતિ મળી નથી. તંત્ર ને કોઈજ અસર પડતી નથી તેવું અનુભવ થઈ રહ્યો છે.

ચૂંટણી બહિષ્કાર એટલે...

ચૂંટણી બહિષ્કાર કરવાથી તંત્ર દોડતું થઈ જાય અને અમારા જાહેર હિતમાટે નો પ્રશ્ન હલ થઈ જાય તેવું આમ જનતા માની રહીછે.તળાજા પંથકમા છેલા બે માસ દરમિયાન આવી અનેક ગામડાઓ માંથી ચીમકી આપવામાં આવી છતાંય સરકાર,સ્થાનિક ચૂંટાયેલા કે વિપક્ષ ના રાજકીય આગેવાનો, જવાબદાર અધિકારીઓ ગંભીરતા દાખવતા નથી તેવી લાગણી ઉઠી રહી છે.

Advertisement
Tags :
Advertisement
Advertisement