For the best experience, open
https://m.gujaratmirror.in
on your mobile browser.
Advertisement

તળાજાના ઉંચડી ગામે બે સગાભાઇના ડૂબી જતાં મોત

11:35 AM Apr 19, 2024 IST | Bhumika
તળાજાના ઉંચડી ગામે બે સગાભાઇના ડૂબી જતાં મોત
  • પાંચ મિત્રો નાવલી નદીમાં નાહવા પડ્યા બાદ બે ડુબ્યા: પરિવારમાં અરેરાટી

ભાવનગર જિલ્લાના તળાજા તાલુકાના ઉંચડી ગામે પ્રાથમિક શાળામાં અભ્યાસ કરતા પાંચ મિત્રો ગામની નાવલી નદીમાં ન્હાવા ગયા હતા.જેમા બે સગા ભાઈઓના ડૂબી જવાથી મોત નિપજ્યા છે. આજ સવાર સુધી જે ઘરમાં બે બાળકોની કિલકારીથી ઘર ગુંજી ઉઠતું હતું તે ઘરે સૂર્યદેવ આથમે તે પહેલાં બંને સગા ભાઈઓના મરશિયા ગવાતા હતા. મળતી વિગતો મુજબ બાબર જ્ઞાતિના અશોકભાઈ મોહનભાઇ ભેડાના બે પુત્રો દર્શન (ઉ.વ.13) જે ધો.8 અને દક્ષ (ઉ.વ.11 )જે ધો.6 મા અભ્યાસ કરતા હતા. આ બંને સગા ભાઈઓ ગામના સાથી મિત્રો યુવરાજ, દર્શક અને પાર્થ સાથે ગામની સીમમાં આવેલ નાવલી નદીના પાણીમાં ગરમીથી રાહત મેળવવા બપોરના સમયે ન્હાવા ગયા હતા. કાળજાણે અહીં રાહ જોઈનેજ બેઠો હોય તેમ બંને સગાભાઈઓ મિત્રોની નજર સમક્ષ જ ડૂબવા લાગ્યા હતા. બાળકોએ તેની જાણ નજીકની વાડીઓ વાળાને કરતા ગામના સેવાભાવી લોકો દોડી આવીને બાળકોને બચાવવા પાણીમાં ખબકયા હતા.

Advertisement

બંને ભાઈઓને તળાજા રેફરલ હોસ્પિટલ ખાતે ખસેડવામાં આવ્યા હતા.જ્યાં ફરજ પરના તબીબે મૃત જાહેર કર્યા હતા.મૃતકના પિતા ઘરે આરી ભરત નું કામ કરેછે. જ્યારે માતા ખેત મજૂરી કરીને જીવન નિર્વાહ ચલાવવામાં મદદ કરે છે. બનાવના પગલે ધારાસભ્ય ગૌતમભાઈ ચૌહાણ, તા.પં.પ્રમુખ રાણાભાઈ સોલંકી, જિલ્લા પં. ઉપ પ્રમુખ વિક્રમભાઈ ડાભી સહિતના રાજકીય સમાજિક આગેવાનો, ઉંચડી ગામના લોકો સાંત્વના આપવા હોસ્પિટલ ખાતે દોડી આવ્યા હતા. ઉલ્લેખનિય છેકે આફતગ્રસ્ત ભેડા પરિવારના સભ્યો મોટાભાગના સુરત વરાછા ખાતે સ્થાઈ થયા છે. બંને બાળકોને મૃત જાહેર કર્યા બાદ તળાજા પોલીસ મથકે જાણ કરવા છતાંય પોણો કલાક વીતવા છતાંય પોલીસ ઇન્કવેસ્ટ સહિતની કાયદાકીય કામગીરી માટે આવિનહતી. આથી તાલુકા પંચાયત પ્રમુખે પો.ઇ સુડેસરાને મોબાઈલ કરીને કહેવું પડ્યું હતું કે ગંભીરતા લો.

પાણીમાંથી જીવતા બહાર કાઢ્યા હતા : જગદીશ ખેર

Advertisement

ઉંચડી ગામના સરપંચ ના પુત્ર જગદીશભાઈ ખેર પોતાની ફોર વહીલમાજ બંને બાળકોને લાવ્યા હતા. તેઓએ જણાવ્યું હતુ કે વાડી વાળાનો ફોન આવતા તાત્કાલિક સ્થળ પર પહોંચી ગયા હતા.પાણીમાંથી કાઢી મારી ગાડીમાં મુક્યા ત્યારે બંને ભાઈઓ ઉલટી કરતા હતા. જીવી જશે તેવી આશા હતી.હોસ્પિટલમાં ડોક્ટરે તપાસતા

બંનેને મૃત જાહેર કર્યા હતા.
બે સગા ભાઈઓના મોતની પ્રથમ ઘટના:શૈલેશ ભેડા
આફતગ્રસ્ત પરિવારના શૈલેશભાઈ ભેડાએ જણાવ્યું હતુ કે બંને ભાઈઓ મિત્રો સાથે ઘરેથી કયારે ન્હાવા ગયા તે ખબરજ હતી નહિ!. કુમળી વયના બે સગા ભાઈઓના આ રીતે મોત થયા હોય તેવી ઉંચડી ગામમાં પ્રથમ ઘટના છે.

Advertisement
Tags :
Advertisement
Advertisement