For the best experience, open
https://m.gujaratmirror.in
on your mobile browser.
Advertisement

શ્ર્વાન પાછળ દોટ મૂકનાર દીપડો કૂવામાં ખાબક્યો, બન્નેનાં મોત

12:03 PM May 16, 2024 IST | Bhumika
શ્ર્વાન પાછળ દોટ મૂકનાર દીપડો કૂવામાં ખાબક્યો  બન્નેનાં મોત
Advertisement

અમરેલી જિલ્લામાં સિંહોની સાથે સાથે દીપડાઓની પણ સંખ્યા વધી રહી છે. શિકાર માટે સિંહ-દીપડા ગ્રામ્ય વિસ્તારમાં આવી રહ્યા છે. ક્યારે શિકાર કરવા જતાં દીપડાઓ ખુદ શિકાર થઇ જાય છે. આવી જ એક ઘટના સામે આવી છે ધારીના વાવડી ગામમાંથી..જ્યાં શ્વાનનો શિકાર કરવા જતાં દીપડો ખુદ શિકાર બની ગયો છે.
અમરેલી જિલ્લાના ધારી તાલુકાના વાવડી ગામ નજીક એક ખેડૂતની વાડી વિસ્તારમાં મોડી રાતે દીપડો આવી ચડ્યો હતો. જેણે શ્વાનનો શિકાર કરવા શ્વાન પાછળ દોડ મૂકી હતી. આ દરમિયાન ભાગતાં ભાગતાં શ્વાન જીવ બચાવવા ખુલ્લા કૂવામાં ખાબકી જતા પાછળ શિકાર કરવા આવેલો દીપડો પણ ઊંડા કૂવામાં ખાબકતાં બંનેના મોત થયા હતા.

આ ઘટનાની જાણ સ્થાનિક ખેડૂતો દ્વારા વનવિભાગને કરતા રેન્જ વનવિભાગની ટીમ દોડી આવી હતી અને પ્રથમ મૃત દીપડાનું રેસ્ક્યુ ઓપરેશન કરી બહાર કાઢાયો હતો. જેના મૃતદેહને પી.એમ.માટે એનિમલ કેર સેન્ટરમાં ખસેડવામાં આવ્યો છે. હાલ પીએમ માટેની કાર્યવાહી હાથ ધરવામાં આવી છે. દીપડાને બહાર કાઢવા વનવિભાગના કર્મચારીઓ સહિત સ્થાનિક ખેડૂતોએ પણ મદદ કરી બહાર કાઢવામાં આવ્યો હતો.

Advertisement

અમરેલી જિલ્લામાં હજી પણ રૂૂલર વિસ્તારમાં ખુલ્લા કૂવાઓ રાખવાના કારણે સિંહ, દીપડા ,નીલગાય જેવા વન્યપ્રાણીઓ વાંરવાર કૂવામાં પડીમાં જવાની ઘટનાઓ સામે આવી રહી છે. વનવિભાગ દ્વારા વાંરવાર ખુલ્લા કૂવા ઢાંકવા માટેની અપીલ કરવામાં આવી રહી છે તેમ છતાં ખુલ્લા કૂવાઓ જોવા મળી રહ્યા છે, જેના કારણે આકાસ્મિત રીતે વન્યપ્રાણીઓ પડી જવાની ઘટનાઓ યથાવત છે.

Advertisement
Tags :
Advertisement
Advertisement