Stock Market / સતત બીજા શેર માર્કેટમાં તેજીનો દોર યથાવત્, સેન્સેક્સ 212 અંક ઉછાળ્યા, નિફટી 20750ને પાર

શેરમાર્કેટમાં સોમવારના જબરદસ્ત ઉછાળા બાદ મંગળવારે પણ રેકોર્ડબ્રેક ઉછાળો જોવા મળી રહ્યો હતો. માર્કેટમાંના મુખ્ય સૂચકાંકો પણ સપ્તાહના બીજા ટ્રેડિંગ દિવસે નવી ઓલ-ટાઇમ હાઈએ પહોંચ્યા હતા. આ સમયગાળા દરમિયાન, BSE સેન્સેક્સ પ્રથમ વખત 69,306 અને નિફ્ટીએ 20,813ને પાર કર્યો હતો.

હાલમાં, સેન્સેક્સ 297.70 (0.43%) પોઈન્ટ વધીને 69,190.86 પર ટ્રેડ કરી રહ્યો છે જ્યારે નિફ્ટી 101.11 (0.49%) પોઈન્ટ વધીને 20,787.90 પર ટ્રેડ કરી રહ્યો છે.

માર્કેટમાં સર્વાંગી ખરીદીમાં બેન્કિંગ સેક્ટરના શેરનો ફાળો સૌથી વધુ છે. BSE પર લિસ્ટેડ કંપનીઓનું કુલ માર્કેટ કેપ પણ રૂ. 344 લાખ કરોડના રેકોર્ડ સ્તરને વટાવી ગયું છે. સોમવારે BSE સેન્સેક્સ 1383 અંક વધીને 68,865 પર બંધ થયો હતો.

વૈશ્વિક મોરચે એશિયન માર્કેટ્સ આજે ઘટાડા સાથે ખુલ્યા છે. વોલ સ્ટ્રીટ શેરો તાજેતરના લાભો પછી નબળા પડ્યા.

વિદેશી પોર્ટફોલિયો રોકાણકારો (FPIs)એ છેલ્લા સત્ર દરમિયાન ચોખ્ખા ધોરણે રૂ. 2,073 કરોડના ભારતીય શેર ખરીદ્યા હતા. સ્થાનિક સંસ્થાકીય રોકાણકારો (DII)એ રૂ. 4,797 કરોડના શેર ખરીદ્યા હતા.

NSE સેન્સેક્સના 15માંથી 14 સેક્ટર લીલા નિશાનમાં ટ્રેડ થતા જોવા મળ્યા હતા. NSE પ્લેટફોર્મ પર નિફ્ટી બેન્ક, નિફ્ટી એફએમસીજી, નિફ્ટી કન્ઝ્યુમર ડ્યુરેબલ્સ અને નિફ્ટી ઓઈલ એન્ડ ગેસ અનુક્રમે 0.66 ટકા, 0.46 ટકા, 0.44 ટકા અને 0.77 ટકાના વધારા સાથે આઉટપરફોર્મર હતા. જોકે, નિફ્ટી આઈટી 0.60 %નો ઘટાડો દર્શાવે છે.

નિફ્ટી શેરોમાં અદાણી પોર્ટ્સનો સૌથી મોટો ફાયદો હતો અને કંપનીનો શેર 4.48 % વધીને રૂ. 918 પર પહોંચ્યો હતો. અદાણી એન્ટરપ્રાઈઝ, બીપીસીએલ, એક્સિસ બેંક અને મહિન્દ્રા એન્ડ મહિન્દ્રાના શેર 4.10 % સુધી વધ્યા હતા.