સિક્કિમમાં અચાનક હિમવર્ષા બની આફત, સેના દેવદૂત બની 500 મુસાફરોના જીવ બચાવ્યા, જુઓ વિડીયો
ઉત્તર-પૂર્વમાં સિક્કિમ રાજ્યના ઊંચાઈવાળા વિસ્તારોમાં અચાનક ભારે હિમવર્ષા અને ખરાબ હવામાનને કારણે 500 થી વધુ પ્રવાસીઓ અને 175 વાહનો ફસાયા હતા. જેમાં સેનાના જવાનો પોતાના જીવ જોખમમાં મૂકીને પણ હિમવર્ષાને કારણે ફસાયેલા 500 પ્રવાસીઓને સુરક્ષિત રીતે બચાવ્યા હતા. સિક્કિમના નાથુ-લામાં ફસાયેલા આ પ્રવાસીઓ અને વાહનોને મદદ પહોંચાડવા આર્મી કામ કરી રહી છે. અધિકારીઓ દ્વારા આ માહિતી આપવામાં આવી છે.
ભારતીય સેનાના જવાનોએ બુધવારે સિક્કિમમાં ભારત-ચીન સરહદ પર નાથુલામાં ભારે હિમવર્ષાના કારણે ફસાયેલા 500 કરતા પણ વધારે પ્રવાસીઓને બચાવ્યા હતા. સેનાએ એક સત્તાવાર નિવેદનમાં આ માહિતી આપી હતી. સેનાના નિવેદન અનુસાર, પૂર્વ સિક્કિમમાં અચાનક હિમવર્ષાના કારણે ફસાયેલા 500 થી વધુ પ્રવાસીઓને સેનાના ત્રિશક્તિ કોર્પ્સના જવાનોએ બચાવ્યા હતા. આ ઉપરાંત તેમના નિવેદનમાં કહેવામાં આવ્યું છે કે ત્રિશક્તિ કોર્પ્સના જવાનોને બચાવ માટે ત્યાં મોકલવામાં આવ્યા હતા અને ફસાયેલા પ્રવાસીઓને મદદ પૂરી પાડી હતી. સેનાએ પ્રવાસીઓને ગરમ ખોરાક અને તાત્કાલિક તબીબી સહાય પૂરી પાડી હતી. નોંધનીય છે કે ભારે હિમવર્ષાના કારણે નાથુલામાં લગભગ 175 વાહનો ફસાઈ ગયા હતા.
𝐒𝐮𝐝𝐝𝐞𝐧 𝐒𝐧𝐨𝐰𝐟𝐚𝐥𝐥 𝐢𝐧 𝐄𝐚𝐬𝐭 𝐒𝐢𝐤𝐤𝐢𝐦, 𝟓𝟎𝟎 𝐒𝐭𝐫𝐚𝐧𝐝𝐞𝐝 𝐓𝐨𝐮𝐫𝐢𝐬𝐭𝐬 𝐑𝐞𝐬𝐜𝐮𝐞𝐝 𝐛𝐲 𝐓𝐫𝐨𝐨𝐩𝐬 𝐨𝐟 𝐓𝐫𝐢𝐬𝐡𝐚𝐤𝐭𝐢 𝐂𝐨𝐫𝐩𝐬 𝐈𝐧𝐝𝐢𝐚𝐧 𝐀𝐫𝐦𝐲
Due to sudden heavy snowfall, approximate 175 vehicles with more than 500 tourists got… pic.twitter.com/vdQTbdQ6jJ
— Trishakticorps_IA (@trishakticorps) February 21, 2024
ભારતીય સેનાના પ્રવક્તા લેફ્ટનન્ટ કર્નલ મહેન્દ્ર રાવતનું કહેવું છે કે ત્રિશક્તિ કોર્પ્સ સિક્કિમમાં સરહદોની સુરક્ષા કરતી વખતે નાગરિક પ્રશાસન અને લોકોની મદદ કરવા માટે હંમેશા તૈયાર છે.
દરમિયાન, દેશના ઘણા રાજ્યોમાં, ખાસ કરીને પર્વતોમાં છેલ્લા ઘણા દિવસોથી હવામાનમાં પલટો આવ્યો છે. પહાડોમાં પણ ઘણી હિમવર્ષા થઈ રહી છે. જેના કારણે મેદાની વિસ્તારોને પણ અસર થઈ રહી છે. તેજ પવન સાથે વરસાદ પણ પડી રહ્યો છે.
